လှေပျက်ပြီး ပင်လယ်ထဲ ၉ ရက်ကြာမျောနေတဲ့ အင်ဒိုနီးရှား ငါးဖမ်းသမားတွေကို ထိုင်းကယ်ဆယ်

.

၂၀၂၆ ခုနှစ်၊ ဇွန်လ ၁၆ ရက်

.

မလက်ကာရေလက်ကြားမှာ အင်ဂျင်ချို့ယွင်းသွားခဲ့ရာကနေ ပင်လယ်ပြင်ထဲ ၉ ရက်ကြာ မျောပါနေခဲ့ကြတဲ့ အင်ဒိုနီးရှားငါးဖမ်းသမား ၄ ဦးကို ထိုင်းနိုင်ငံ စတန်ပြည်နယ်ရဲ့ကမ်းလွန်ရေပြင်မှာ ကယ်ဆယ်နိုင်ခဲ့တဲ့ အကြောင်း ထိုင်းအာဏာပိုင်တွေက သတင်းထုတ်ပြန်လိုက်ပါတယ်။

.

.

ဒီ ငါးဖမ်းလှေပေါ်မှာ လူ ၆ ဦးပါလာကြတာဖြစ်ပြီး အခြားငါးဖမ်းသမား ၂ ဦးက အကူအညီရှာဖွေဖို့အတွက် လှေကနေ ရေကူးထွက်ခွာသွားခဲ့ကြတာပါ။ သူတို့ကိုလည်း မလေးရှားသင်္ဘောတစ်စီးက ကယ်ဆယ်နိုင်ခဲ့ပြီး အင်ဒိုနီးရှားနိုင်ငံဆီ ပြန်လည်ပို့ဆောင်ပေးခဲ့ကြပါတယ်။

.

သူတို့နှစ်ဦး ထွက်သွားတဲ့နောက် ကျန်ရှိနေတဲ့ ငါးဖမ်းသမား ၄ ဦးက စက်လှေနဲ့အတူ ဆက်လက်မျောပါနေခဲ့ ကြပြီး ၉ ရက်အကြာမှာ ထိုင်းရေပိုင်နက်ထဲကို ရောက်လာခဲ့ကြတာပါ။

.

ထိုင်းဒေသခံငါးဖမ်းသမားတွေက ကို့အဒန်းကျွန်းကနေ ရေမိုင် ၁၃ မိုင်အကွာမှာ လူတချို့ရေထဲမျောပါနေပြီး အကူအညီတောင်းနေတာကို တွေ့မြင်ရတာကနေတစ်ဆင့် အာဏာပိုင်တွေဆီ သတင်းပို့ခဲ့ကြတာ ဖြစ်ပါတယ်။

.

ငါးဖမ်းသမားတွေရဲ့ပြောကြားချက်အရတော့ စက်ပျက်သွားတဲ့အချိန်မှာ အင်ဒိုနီးရှားနိုင်ငံဖက် ပြန်လှည့်ဖို့ ကြိုးပမ်းတဲ့အနေနဲ့ အိတ်တွေကို ချုပ်ဆက်ပြီး ယာယီရွက်တိုင်တစ်ခု ပြုလုပ်ခဲ့ကြပေမဲ့ လေပြင်းတွေကြောင့် စက်လှေက တောင်ဘက်ဆီ မသွားဘဲ မြောက်ဘက်ကို ရောက်လာခဲ့ရာကနေ ထိုင်းရေပိုင်နက်ထဲ ဝင်ရောက် လာခဲ့ကြတာလို့ သိရပါတယ်။

.

လှေမျောပါနေစဉ်အတွင်းမှာ ထိုင်းငါးဖမ်းလှေတချို့နဲ့တွေ့ ခဲ့ကြပေမဲ့လည်း တရားမဝင် ဝင်ရောက်လာသူ တွေ၊ ဒါမှမဟုတ် ပင်လယ်ဓားပြတွေဖြစ်နိုင်တယ်ဆိုတဲ့ စိုးရိမ်မှုတွေကြောင့် လှေပေါ်ကို ခေါ်ဆောင်သွား တာမျိုး မလုပ်ကြဘဲ အစားအသောက်နဲ့ရေကိုပဲ ပေးခဲ့ကြတာပါ။

.

စတန်ပြည်နယ်အုပ်ချုပ်ရေးမှူ ကာနစ် က လက်ရှိမှာ ပင်လယ်ပြင်အခြေအနေ ငြိမ်သက်လာတဲ့အထိ ငါးဖမ်းသမားတွေနဲ့ သူတို့ရဲ့လှေကို ထိန်းသိမ်းပေးထားကြောင်းနဲ့ စက်လှေပြင်ဆင်ပေးပြီးသွားရင် ပြန်လည် ထွက်ခွာမှာဖြစ်တဲ့အကြောင်း ပြောဆိုသွားခဲ့ပါတယ်။

.

Source – Bangkok Post

.