မြန်မာအမျိုးသမီးများနေ့ကို ကြိုဆိုဂုဏ်ပြုသောအားဖြင့် အမျိုးသမီးနှင့် ကလေးဆေးရုံကြီးတွင် စုပေါင်း သွေလှူဒါန်း

.

၂၀၂၆ ခုနှစ်၊ ဇွန်လ ၃၀ ရက်

.

၂၀၂၆ ခုနှစ်၊ ဇူလိုင်လ ၃ ရက်တွင် ကျရောက်မည့် မြန်မာအမျိုးသမီးများနေ့ကို ကြိုဆိုဂုဏ်ပြုသောအားဖြင့် တောင်ကြီးမြို့၊ သစ်တောရပ်ကွက်ရှိ အမျိုးသမီးနှင့် ကလေးဆေးရုံကြီးတွင် ယနေ့ ဇွန်လ ၃၀ ရက်၊ နံနက် ပိုင်းက တောင်ကြီးခရိုင်အမျိုးသမီးရေးရာအဖွဲ့မှ စုပေါင်း သွေးလှူဒါန်းခဲ့ကြောင်း သိရသည်။

.

.

ထိုသို့ သွေးလှူဒါန်းရာတွင် သွေးလှူရှင်များကို အမျိုးသမီးနှင့် ကလေးဆေးရုံကြီးမှ ရောဂဗေဒ အထူးကု ဆရာဝန်ကြီး၊ တွဲဘက်ပါမောက္ခ ဒေါက်တာ ဘုန်းမိုးဝင်း ဦးဆောင်သော ဆရာ/ဆရာမများက သွေးပေါင် ချိန်ခြင်း၊ သွေးစစ်ဆေးခြင်းနှင့် သွေးဖောက်ခြင်းများကို ဆောင်ရွက်ပေးပြီး တောင်ကြီးခရိုင် အမျိုးသမီး ရေးရာအဖွဲ့ ဥက္ကဋ္ဌ ဒေါ်သန်းသန်းအေး၊ တောင်ကြီးမြို့၊ အမျိုးသမီးနှင့် ကလေးဆေးရုံကြီး ဆေးရုံအုပ်ကြီး ဒေါက်တာ မောင်မောင်သိန်းနှင့် တာဝန်ရှိသူများက လိုက်လံကြည့်ရှု အားပေးကာ သွေးလှူရှင်များကို အာဟာရ အစားစာများကို ထောက်ပံ့ပေးအပ်ခဲ့ကြောင်း သိရသည်။

.

ထို့နောက် သွေးလှူရှင်များမှ လှူဒါန်းထားသော သွေးအိတ် ၂၅ အိတ်အား တောင်ကြီးခရိုင်အမျိုးသမီးရေးရာ အဖွဲ့ ဥက္ကဋ္ဌ ဒေါ်သန်းသန်းအေးနှင့် တာဝန်ရှိသူများက ပေးအပ်လှူဒါန်းရာ တောင်ကြီးမြို့၊ အမျိုးသမီးနှင့် ကလေးဆေးရုံကြီးမှ ဆေးရုံအုပ်ကြီး ဒေါက်တာ မောင်မောင်သိန်းက လက်ခံရယူပြီး ဂုဏ်ပြုမှတ်တမ်းလွှာ ပေးအပ်ရာ တောင်ကြီးခရိုင်အမျိုးသမီးရေးရာအဖွဲ့ ဥက္ကဌ ဒေါ်သန်းသန်းအေးက လက်ခံရယူခဲ့ကြောင်း သိရသည်။

.