.
၂၀၂၆ ခုနှစ်၊ ဇွန်လ ၃၀ ရက်
.
ဒီနေ့မနက်ပိုင်းမှာ ကစားခဲ့တဲ့ နယ်သာလန်နဲ့ မော်ရိုကိုအသင်းတိုရဲ့ ပွဲစဉ်မှာတော့ မော်ရိုကိုအသင်းက ပင်နယ်တီ အဆုံးအဖြတ်နဲ့ နိုင်သွားခဲ့ပြီး ၁၆ သင်းအဆင့်ကို တက်လှမ်းသွားနိုင်ခဲ့ပါတယ်။
.
ဂက်ပို၊ ဘရော့ဘီတို့နဲ့ ပွဲထွက်ခဲ့တဲ့
နယ်သာလန်ရဲ့ တိုက်စစ်က တစ်ပွဲလုံးမှာမှ ဂိုးပေါက်ကို ၂ ကြိမ်ပဲ တည့် တဲ့အထိ
အခြေအနေဆိုးခဲ့ပြီး ဒီဂျောင်၊ ဂရာဗန်ဘတ်ခ်ျတို့ရဲ့ ကွင်းလယ်ကလည်း မော်ရိုကို ကို
လုံးဝ မယှဉ်နိုင်ခဲ့ပါဘူး။
.
မော်ရိုကိုက ကြယ်ပွင့်ကစားသမား ဆိုလို့ ဒီယာ့ဇ်၊
ဟာကီမီ၊ မက်ဇာရာဝီတို့လောက်သာ ရှိပေမဲ့ အသင်းလိုက် ကစားပုံက အရမ်းကောင်းခဲ့ပြီး
နယ်သာလန်အပေါ် ဘောလုံးပိုင်ဆိုင်ခွင့် ၇၀ ရာခိုင်နှုန်းအထိ အသာယူပြီး
ကစားသွားနိုင်ခဲ့တာဖြစ်ပါတယ်။
.
ပွဲချိန် မိနစ် ၂၀ မှာ ဟာကီမီရဲ့ ဖြတ်တင်ပေးပို့မှုက
တစ်ဆင့် အိုင်နာဝီရဲ့ ခေါင်းတိုက်ချက်ကို နယ်သာလန် ဂိုးသမား ကာကွယ်နိုင်ခဲ့လို့သာ
မော်ရိုကိုတို့ ဦးဆောင်ဂိုးနဲ့ လွဲခဲ့ရတာပါ။ ပွဲချိန် ၄၄ မိနစ်မှာ ဗန်ဒီဗန်ရဲ့ ကန်ချက်ကို
မော်ရိုကို ဂိုးသမား ကာကွယ်နိုင်ခဲ့ပါတယ်။
.
ပွဲချိန် ဒုတိယပိုင်းမှာလည်း မော်ရိုကို ကပဲ
အသာစီးကနေ ကစားနေခဲ့ပြီး နယ်သာလန်ကတော့ တန်ပြန် တိုက်စစ်တွေကို
အားပြုကစားနေခဲ့တာပါ။
.
ပွဲချိန် ၇၁ မိနစ်မှာ ဘရော့ဘီနေရာကို ဝက်ဟော့စ်
ဝင်ကစားခဲ့ပြီး နသန်အကီ နေရာအတွက် ကော့မိုင်နာကို ထည့်ခဲ့တာပါ။ ဒီကစားသမား
နှစ်ယောက်ဝင်လာပြီး တစ်မိနစ်အတွင်းမှာပဲ နယ်သာလန်က ဂိုးရသွားခဲ့ပြီး
တန်ပြန်တိုက်စစ်ကနေ ရလာတဲ့ဘောလုံးကို မော်ရိုကိုခံစစ် ဖျက်ထုတ်ရာကနေ ဂက်ပိုက
ဝင်ပြီး ကန်သွင်း ခဲ့လို့ နယ်သာလန်တို့ ဦးဆောင်ဂိုးရသွားခဲ့တာပါ။
.
အဲဒီနောက်ပိုင်းမှာ နယ်သာလန်က ခံစစ်ကို
ပိုအားပြုကစားသွားခဲ့ပြီး တင်ဘာ၊ ဟာတို တို့ကို ထပ်ထည့််ရင်း ပိတ်ကစားဖို့
ကြိုးစားခဲ့တာပါ။ ဒါပေမဲ့ ပွဲချိန် ၉၁ မိနစ်မှာ အစ်ဆာဒီအော့ပ် က မော်ရိုကိုအတွက်
ချေပဂိုးကို ခေါင်းတိုက် သွင်းပေးသွားခဲ့လို့ အချိန်ပို ဆက်ကစားရဖို့
ဖြစ်လာခဲ့ပါတယ်။
.
အချိန်ပိုမှာတော့ နယ်သာလန်ဖက်က ကစားအားကျသွားတဲ့
ဒီဂျောင်၊ ဂက်ပိုတို့ကို ထုတ်ပြီး ကလွိုင်ဗတ်၊ ဒီရွန်းတို့ ထည့်ခဲ့ရတာပါ။
မော်ရိုကိုကတော့ အချိန်ပိုမှာ လူစားလဲမှုတစ်ခုမှ မလုပ်ခဲ့တော့ဘဲ နယ်သာလန်ကို
ထိန်းကစားရင်း ပင်နယ်တီအထိ ရောက်သွားခဲ့ပါတယ်။
.
ပင်နယ်တီ အဆုံးအဖြတ် ကစားကြချိန်မှာတော့
ပင်နယ်တီ အကန်ကောင်းတဲ့ ကစားသမားတွေကို လူစားလဲခဲ့မိတဲ့ နယ်သာလန်တို့
ငါးပါးမှောက်သွားခဲ့ပြီး လူစားဝင်လာတဲ့ ကစားသမားတွေ ဖြစ်ကြတဲ့ ကလွိုင်ဗတ်၊
တင်ဘာနဲ့ ဆမ်မာဗီး တို့ ပင်နယ်တီလွဲခဲ့ကြလို့ ပွဲအပြိးမှာ မော်ရိုကိုက ၂-၃ နဲ့
ပင်နယ်တီနိုင်ပြီး နောက်တစ်ဆင့်ကို တက်လှမ်းသွားနိုင်ခဲ့တာပဲဖြစ်ပါတယ်။
.
No comments:
Post a Comment