.
၂၀၂၆ ခုနှစ်၊ ဇွန်လ ၁၂ ရက်
.
မက္ကဆီကိုနိုင်ငံမှာ ကျင်းပခဲ့တဲ့ ၂၀၂၆
ကမ္ဘာ့ဖလား အုပ်စု A ၊ ဒုတိယပွဲစဉ်မှာတော့ တောင်ကိုရီးယား အသင်းက
ချက်အသင်းကို ၂-၁ နဲ့ အနိုင်ယူပြီး ၃ မှတ်ရရှိသွားခဲ့ပါတယ်။
.
ဆွန်ဟောင်မင်နဲ့ လီကန်အင် တို့ကို ပွဲထုတ်ပြီး
ဟွမ်ဟီးချန်းကို အရန်ခုံမှာထားခဲ့တဲ့ တောင်ကိုရီးယား တိုက်စစ်က ပထမပိုင်းမှာ
အခွင့်အရေးတွေ ဆက်တိုက်လွဲနေခဲ့ပြီး အဝေးကန်ချက်တွေနဲ့ ဂိုးရဖို့ ကြိုးစားမှု တွေမှာလည်း
အသုံးမဝင်ဘဲ ဖြစ်နေခဲ့တာပါ။
.
ချက် အသင်းက နာမည်ကျော်ကစားသမားတွေ ပါတယ်ဆိုပေမဲ့
ခံစစ်ကစားပုံက တော်တော်လေး လျော့တိ လျော့ရဲ ဖြစ်နေခဲ့ပြီး
တောင်ကိုရီးယားကစားသမားတွေရဲ့ အမြန်နှုန်းကို ထိန်းနိုင်ဖို့ ခက်နေတာ တွေ့ခဲ့ရ ပါတယ်။
.
ပွဲချိန် ပထမပိုင်းကတည်း တောင်ကိုရီးယားက
ဘောလုံးပိုင်ဆိုင်မှုအသာ ဂိုးကန်သွင်းမှုအသာနဲ့ ကစား သွားခဲ့တာဖြစ်ပြီး တစ်ပွဲလုံး
ဘောလုံးပိုင်ဆိုင်မှုမှာ တောင်ကိုရီးယားက ၆၂ ရာခိုင်နှုန်း အထိ ရှိခဲ့တာပါ။
.
ပွဲချိန် ပထမပိုင်းမှာ ဘယ်ဖက်ကမှ
ဂိုးမသွင်းနိုင်ခဲ့ပေမဲ့ ဒုတိယပိုင်းစပြီး ၁၅ မိနစ်အတွင်းမှာပဲ ချက်က
ဦးဆောင်ဂိုးရသွားခဲ့တာပါ။ ပွဲချိန် ၅၉ မိနစ်မှာ သွင်းခဲ့တဲ့ ခရက်ဆီ ရဲ့ဂိုးကြောင့်
ချက် တို့ ဦးဆောင်နိုင်ခဲ့ပြီး တောင်ကိုရီးယားဖက်ကတော့ တိုက်စစ်အတွက် ဟွမ်ဟီးချန်း
ကို ထည့်ခဲ့ရတာပါ။ ဟွမ်ဟီးချန်း ဝင်လာပြီး ၅ မိနစ်အတွင်းမှာပဲ တောင်ကိုရီးယားက
ချေပဂိုးရသွားခဲ့ပြီး အင်ဘွန်ဟွမ်းက သွင်းပေးခဲ့တာပါ။
.
ပွဲချိန် ၇၈ မိနစ်မှာ ဆူဆက် က ချက် အတွက်
ဦးဆောင်ဂိုးထပ်သွင်းပေးခဲ့ပေမဲ့ VAR နဲ့ ပယ်ဖျက်ခြင်း ခံခဲ့ရပြီး
အဲဒီနောက် တစ်မိနစ်အကြာမှာပဲ တောင်ကိုရီးယားက ဦးဆောင်ဂိုး ပြန်ရသွားခဲ့တာပါ။
.
ဟွမ်ဂယူအိုရဲ့ သွင်းဂိုးက တောင်ကိုရီးယား ကို
အနိုင်ရရှိဖို့ လုံလောက်သွားစေခဲ့ပြီး ပွဲအပြီးမှာ ၂-၁ ဆိုတဲ့ ရလာဒ်နဲ့
တောင်ကိုရီးယားတို့ အနိုင်ရရှိသွားခဲ့တာလည်း ဖြစ်ပါတယ်။
.
No comments:
Post a Comment