ကမ္ဘာ့ဖလားအတွက် ခေါ်ယူထားတဲ့ ဆိုမာလီ ကွင်းလယ်ဒိုင်ကို အမေရိကန် ပြည်ဝင်ခွင့်မပြု

.

၂၀၂၆ ခုနှစ်၊ ဇွန်လ ၉ ရက်

.

ကမ္ဘာ့ဖလားပြိုင်ပွဲမှာ တာဝန်ယူဖို့အတွက် ပထမဆုံး ဆိုမာလီလူမျိုး ဒိုင်လူကြီးအဖြစ် ရွေးချယ်ခံထားရတဲ့ အိုမာ အဘ်ဒူကာဒါ အာတန် ကို အမေရိကန်က နိုင်ငံတွင်း ဝင်ရောက်ခွင့် ငြင်းပယ်လိုက်တာမို့ ပြသနာတွေ တက်နေပါတယ်။

.

.

အာတန် က ၂၀၂၅ ခုနှစ်ရဲ့အာဖရိက ဖလားပြိုင်ပွဲမှာ “အကောင်းဆုံး အမျိုးသားဒိုင်လူကြီး”ဆုကို ရရှိခဲ့တာ ဖြစ်ပြီး လက်ရှိအချိန်မှာတော့ အမေရိကန်ကြောင့် ပြိုင်ပွဲမှာ တာဝန်ထမ်းဆောင်မယ့် ဒိုင်လူကြီးစာရင်းကနေ ဖယ်ရှားခြင်း ခံထားရတာပါ။

.

အမေရိကန် လူဝင်မှုကြီးကြပ်ရေး အာဏာပိုင်တွေက ဇွန်လ ၈ ရက်မှာ မိုင်ယာမီလေဆိပ်ကို ရောက်လာတဲ့ အာတန်ကို ဝင်ခွင့်ပိတ်ခဲ့တာဖြစ်ပြီး တူရကီနိုင်ငံဆီ ပို့ဆောင်ခဲ့တာပါ။ ပြန်လည်ပို့ဆောင်ရတဲ့ အကြောင်းရင်း ကိုတော့ အမေရိကန်ဖက်က တရားဝင်ထုတ်ပြန်ခြင်း မရှိသေးပါဘူး။

.

အာတန်ရဲ့ မွေးရပ်မြေဖြစ်တဲ့ ဆိုမာလီယာ က အမေရိကန်ရဲ့ခရီးသွားလာခွင့် ကန့်သတ်ချက်စာရင်းတွေထဲမှာ ပါဝင်နေတာကြောင့် အာတန်အနေနဲ့ အမေရိကန်နိုင်ငံတွင်းကို ဝင်ရောက်ခွင့် ပိတ်ပင်ခံရတာဖြစ်တယ် ဆိုတဲ့ သုံးသပ်ချက်တွေကတော့ ထွက်ပေါ်နေပါတယ်။

.

အာတန်နဲ့ပတ်သက်လို့ ကမ္ဘာ့ဘောလုံးအဖွဲ့ချုပ်ကနေ ထုတ်ပြန်ချက်ပြုလုပ်ခဲ့ပြီး အာတန်ကို ပြိုင်ပွဲရဲ့ ဒိုင်လူကြီး စာရင်းကနေ ဖယ်ရှားလိုက်ပြီဆိုတဲ့အကြောင်း အသိပေးလိုက်ပါတယ်။

.

“ဒိုင်လူကြီး အာတန် ဟာ အမေရိကန်နိုင်ငံထဲကို ဝင်ရောက်ခွင့် ပိတ်ပင်ခံလိုက်ရတာကြောင့် လေ့ကျင့်ရေးနဲ့ ပြိုင်ပွဲတာဝန်တွေကို ထမ်းဆောင်နိုင်တော့မှာမဟုတ်ပါဘူး” လို့ FIFA က ကြေညာထားတာပါ။

.

ဒါ့အပြင် FIFA အနေနဲ့ ကမ္ဘာ့ဖလားလက်ခံကျင်းပမယ့် အိမ်ရှင်နိုင်ငံတွေရဲ့ ဗီဇာကန့်သတ်ချက်ကို ဝင်ရောက် စွက်ဖက်ခွင့် မရှိတဲ့အကြောင်းနဲ့ အိမ်ရှင်နိုင်ငံတွေရဲ့ ဆုံးဖြတ်ချက်ကိုသာ လက်ခံရမှာဖြစ်တဲ့အကြောင်း ထပ်ဆောင်း အသိပေးထားပါသေးတယ်။\

.

Source – BBC

.