ရွှေညောင်တွင် ကားနှင့် ဆိုင်ကယ် တိုက်မိပြီး အမျိုးသမီးတစ်ဦး သေဆုံး

.

၂၀၂၆ ခုနှစ်၊ ဇွန်လ ၃ ရက်

.

ရှမ်းပြည်နယ်တောင်ပိုင်း၊ တောင်ကြီးမြို့နယ်၊ ရွှေညောင်မြို့၊ ဘူတာလမ်းဆုံအနီးတွင် ယမန်နေ့ ဇွန်လ ၂ ရက်၊ ညနေပိုင်းက ကားနှင့် ဆိုင်ကယ် တိုက်မိပြီး အမျိုးသမီးတစ်ဦး သေဆုံးမှု ဖြစ်ပွားခဲ့ကြောင်း သိရသည်။

.

.

“ယာဉ်တိုက်မှုဖြစ်တာ ဟုတ်ပါတယ်။ အမျိုးသမီး တစ်ဦး သေဆုံးသွားပါတယ်။ ယာဉ်မောင်းကို အမှုဖွင့်ထား ပါတယ်” ဟု တာဝန်ရှိသူတစ်ဦးက ပြောသည်။

.

ရွှေညောင်မြို့၊ သုခချမ်းသာရပ်ကွက်၊ ဘူတာလမ်းဆုံအနီး၊ နီလာလမ်းတွင် ယမန်နေ့ ဇွန်လ ၂ ရက်၊ ညနေ ၃ နာရီခွဲ ခန့်က သရက်သီးအိတ်များ တင်ဆောင်မောင်းနှင်လာသည့် ၆ ဘီးယာဉ်နှင့် ဘူတာလမ်းဘက်မှ အမျိုးသမီး ၃ ဦး မောင်းနှင်စီးနင်းလာသည့် Honda Click အမျိုးအစား ဆိုင်ကယ်တို့ ဝင်ရောက်တိုက်မိခဲ့ခြင်း ဖြစ်ကြောင်း သိရသည်။

.

ယာဉ်တိုက်မှုကြောင့် ဆိုင်ကယ်ပေါ်ပါ အမျိုးသမီး ၃ ဦး အနက် တစ်ဦးတွင် စိုးရိမ်ရဒဏ်ရာများ ရရှိခဲ့သဖြင့် ရွှေညောင် တိုက်နယ်ဆေးရုံမှ တစ်ဆင့် တောင်ကြီးမြို့၊ စဝ်စံထွန်းဆေးရုံသို့ ပို့ဆောင်ဆေးကုသမှု ပေးခဲ့ရာ ယနေ့ ဇွန်လ ၃ ရက်၊ နံနက် ၈ နာရီခန့်တွင် အမျိုးသမီးမှာ ရရှိဒဏ်ရာများဖြင့် သေဆုံးသွားခဲ့ခြင်းဖြစ်ကြောင်း

.

အဆိုပါ ယာဉ်တိုက်မှုနှင့် ပတ်သက်၍ ၆ ဘီးယာဉ် မောင်းနှင်သူ မင်းသူ အား ရွှေညောင်နယ်မြေရဲစခန်းတွင် အမှုဖွင့်အ‌ရေးယူ ဆောင်ရွက်လျက်ရှိကြောင်း သိရသည်။

.