.
၂၀၂၆ ခုနှစ်၊ ဇွန်လ ၁၁ ရက်
.
ရှမ်းပြည်နယ်မြောက်ပိုင်း၊ လားရှိုးမြို့တွင် ပြီးခဲ့သည့်
ဇွန်လ ၂ ရက်က တုတ်ဖြင့်ရိုက်နှက်ပြီး ဆိုင်ကယ် လုယက်ခံရမှုကြောင့် ဆိုင်ကယ်မောင်းနှင်သူ
အမျိုးသား သေဆုံးမှုဖြစ်ပွားခဲ့ပြီး ကျူးလွန်သူကို ၃ ရက် အကြာတွင် ဖမ်းဆီးရမိခဲ့ကြောင်း
သိရသည်။
.
လားရှိုးမြို့တွင်း တစ်နေရာတွင် ဆိုင်ကယ်မောင်းနှင်လာသူကို
အမျိုးသားတစ်ဦးက တုတ်ဖြင့်ရိုက်နှက်ကာ ဆိုင်ကယ်လုယက်ခဲ့ခြင်းဖြစ်ကာ အမျိုးသားမှာ ရရှိဒဏ်ရာများကြောင့်
ရိုက်နှက်ခံရပြီး ၃ ရက်ခန့်အကြာတွင် ဆေးရုံ၌ သေဆုံးသွားခဲ့ခြင်းဖြစ်ကြောင်း သိရသည်။
.
“ရိုက်ခံရတဲ့ ကောင်လေးက ဘယ်နေရာမှာ အရိုက်ခံရမှန်း
ကောင်းကောင်း မပြောနိုင်ဘူး။ ဘယ်သူရိုက်မှန်း မသိဘူးပေါ့။ တစ်ရက် နှစ်ရက်ကြာတော့ ရတဲ့ဒဏ်ရာနဲ့ပဲ
ဆေးရုံမှာ ဆုံးသွားတာပါ။ ပထမတော့ လုယက်မှုနဲ့ အမှုဖွင့်တာပေါ့။ နောက် လူသတ်မှု ပြောင်းဖွင့်လိုက်ပါတယ်။
တစ်ဆင့်ပြီးတစ်ဆင့် စုံစမ်းရင်းနဲ့ ကျူးလွန်တဲ့ သူ ပေါ်သွားတာပေါ့” ဟု တာဝန်ရှိသူတစ်ဦးက
ပြောသည်။
.
အဆိုပါ အမှုမှ ကျူးလွန်သူကို သက်သေခံပစ္စည်းများနှင့်အတူ
ဇွန်လ ၆ ရက်တွင် ဖမ်းဆီးရမိခဲ့ပြီး လားရှိုးနယ်မြေရဲစခန်းတွင် ရာဇသတ်ကြီးပုဒ်မ ၃၀၂
ဖြင့် အမှုဖွင့်စစ်ဆေး ဆောင်ရွက်လျက်ရှိကြောင်း သိရသည်။
.
No comments:
Post a Comment