ဇွန်လအတွက် ကိုရီးယားအဆိုတော် အဆင့်သတ်မှတ်ချက်မှာ BTS ထိပ်ဆုံးကဦးဆောင်

.

၂၀၂၆ ခုနှစ်၊ ဇွန်လ ၂၇ ရက်

.

တောင်ကိုရီးယားရဲ့ တစ်ကိုယ်တော် အဆိုရှင်တွေနဲ့ ဂီတအဖွဲ့တွေကို ပေါင်းစပ်ထားတဲ့ ဇွန်လအတွက် အဆိုတော် အဆင့်သတ်မှတ်ချက်မှာတော့ BTS အဖွဲ့က ထိပ်ဆုံးကနေ ဦးဆောင်သွားခဲ့ပါတယ်။

.

.

ဒီအဆင့်သတ်မှတ်ချက်ကို ကိုရီးယားစီးပွားရေး သုတေသနအဖွဲ့ကနေ ထုတ်ပြန်ခဲ့တာဖြစ်ပြီး အမျိုးသားရော အမျိုးသမီး တေးသံရှင်တွေကိုပါ ပူးတွဲတွက်ချက်ထားတာ ဖြစ်ပါတယ်။

.

မေလ ၂၇ ရက်ကနေ ဇွန်လ ၂၇ ရက်နေ့အထိ စုဆောင်းထားတဲ့အချက်အလက်တွေကို အခြေခံပြီးတဲ့နောက် မီဒီယာတွေရဲ့ဖော်ပြမှု၊ ပရိသတ်ပါဝင်ဆက်သွယ်မှု၊ ပရိသတ်နဲ့အဆိုရှင်အကြား အပြန်အလှန်တုံ့ပြန်မှုနဲ့ ဆိုရှယ်မီဒီယာမှာ နာမည်ကောင်းရမှု စတာတွေကိုပါ ခွဲခြမ်းစိတ်ဖြာပြီး အဆင့်သတ်မှတ်ထားတာပါ။

.

တောင်ကိုရီးယားရဲ့နာမည်ကျော် ကေပေါ့ပ်အဖွဲ့ဖြစ်တဲ့ BTS က ကျော်ကြားမှုရမှတ် ၇ သန်းနီးပါးရရှိခဲ့ပြီး နံပတ် ၁ နေရာ ရခဲ့တာပါ။

.

ဒုတိယနေရာမှာတော့ အမျိုးသမီးတေးဂီတအဖွဲ့ဖြစ်တဲ့ RESCENE က ကျော်ကြားမှုရမှတ် ၆ သန်းကျော်နဲ့ ရပ်တည်ခဲ့ပြီး တတိယနေရာမှာတော့ အဆိုတော် လင်ယန်ဝန်းက ကျော်ကြားမှုရမှတ် ၅ သန်းခွဲကျော်နဲ့ ရပ်တည်ခဲ့တာပါ။

.

တောင်ကိုရီးယားရဲ့ ထိပ်တန်းအဆိုရှင်သတ်မှတ်ချက်မှာ ထိပ်ဆုံးနေရာတွေနား အမြဲရှိနေတတ်တဲ့ ထရော့ အဆိုတော် လင်ယန်ဝန်းက ပြီးခဲ့တဲ့လကထက် ရမှတ်တွေ မြင့်တက်လာခဲ့ပြီး ၁၂ ဒသမ ၉၄ ရာခိုင်နှုန်း မြင့်တက်လာခဲ့တာပါ။

.

စတုတ္တနေရာကိုတော့ RedRed ရဲ့ နာမည်ကျော်အက ပိုင်ရှင် CORTIS အဖွဲ့က ကျော်ကြားမှုရမှတ် ၅ သန်းကျော်နဲ့ သိမ်းပိုက်ထားခဲ့ပြီး ပြီးခဲ့တဲ့လကထက် ၂၃ ဒသမ ၇ ရာခိုင်နှုန်း တိုးတက်လာခဲ့တာပါ။

.

ပဉ္စမနေရာမှာတော့ မိန်းကလေး ကေပေါ့ပ်အဖွဲ့ဖြစ်တဲ့ I.O.I က ကျော်ကြားမှုရမှတ် ၄ သန်းကျော်နဲ့ ရပ်တည်နေခဲ့ပြီး နာမည်ကျော် ကေပေါ့ပ်အဖွဲ့ဖြစ်တဲ့ Black Pink တို့ကတော့ ဒီစာရင်းရဲ့အဆင့် ၁၂ နေရာမှာသာ ရပ်တည်နိုင်ခဲ့ကြပါတယ်။

.

Source – Soompi

.