ဒု-ဗိုလ်ချုပ်ကြီး ရာပြည့် ဦးဆောင်သည့် NSPNC အဖွဲ့ “ဝ” ဒေသသို့ သွားရောက်

.

၂၀၂၆ ခုနှစ်၊ ဇွန်လ ၁၉ ရက်

.

ဒုတိယဗိုလ်ချုပ်ကြီး ရာပြည့် ဦးဆောင်သည့် အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေး ကော်မတီ (NSPNC) ကိုယ်စားလှယ်အဖွဲ့သည် ယမန်နေ့ ဇွန်လ ၁၈ ရက်က “ဝ” ဒေသ၊ ပန်ဆန်း မြို့သို့ သွားရောက်၍ UWSP/UWSA တာဝန်ရှိသူများနှင့် တွေ့ဆုံခဲ့ကြောင်း သိရသည်။

.

.

ထိုသို့ တွေ့ဆုံဆွေးနွေးရာတွင် ငြိမ်းချမ်းရေး၊ စည်းလုံးညီညွတ်ရေးနှင့် ဒေသဖွံ့ဖြိုးရေးတို့ကို အဓိကထား ဆွေးနွေးခဲ့သည်ဟု WSTV က ထုတ်ပြန်ထားသည်။

.

အဆိုပါ ဆွေးနွေးပွဲသို့ NSPNC ဥက္ကဋ္ဌ ဒုတိယဗိုလ်ချုပ်ကြီး ဦးဆောင်သည့် ကိုယ်စားလှယ်အဖွဲ့များ၊ UWSP/UWSA ဗဟိုကော်မတီ ဒုတိယ ဥက္ကဋ္ဌ၊ အတွင်းရေးမှူးနှင့် အဖွဲ့ဝင်များ တက်ရောက်ခဲ့ကြောင်း သိရသည်။

.

NSPNC ကိုယ်စားလှယ်အဖွဲ့သည် UWSP/UWSA နှင့် မတွေ့ဆုံမီ ဇွန်လ ၁၇ ရက်ကလည်း ရှမ်းပြည်နယ် အရှေ့ပိုင်း၊ အထူးဒေသ (၄) မိုင်းလားတွင် NDAA မိုင်းလားအဖွဲ့နှင့် တွေ့ဆုံခဲ့သေးသည်။

.

Photo – WSTV

.