.
၂၀၂၆ ခုနှစ်၊ ဇွန်လ ၁၉ ရက်
.
ဒီနေ့မနက်ပိုင်းမှာ ကစားခဲ့တဲ့
ကမ္ဘာ့ဖလားအိမ်ရှင် မက္ကဆီကိုနဲ့ တောင်ကိုရီယားအသင်းတို့ရဲ့ ပွဲစဉ်မှာတော့
မက္ကဆီကိုအသင်းက ၁-၀ ဂိုးနဲ့အနိုင်ရသွားခဲ့ပြီး အမှတ်ပေးဇယားကို ပြတ်ပြတ်သားသား
ဦးဆောင်သွား ခဲ့ပါတယ်။
.
အဖွင့်ပွဲစဉ်မှာ တောင်အာဖရိက အသင်းကို ၂-၀ နဲ့
နိုင်ခဲ့တဲ့ မက္ကဆီကိုက ဒီနေ့ပွဲမှာလည်း ပေးဂိုးမရှိ နိုင်ပွဲတစ်ပွဲကို
ထပ်မံရရှိခဲ့တာဖြစ်ပြီး သူတို့ရဲ့ခံစစ်စွမ်းဆောင်ရည်ကောင်းကို ပြခဲ့တာပါ။
.
တောင်ကိုရီးယားက ချက်နဲ့ပွဲမှာ သုံးခဲ့တဲ့
လူစာရင်းကိုပဲ အခြေခံပွဲထွက်လာခဲ့ပြီး တိုက်စစ်မှာ လီကန်အင်နဲ့ ဆွန်ဟောင်မင်တို့
ဦးဆောင်လာခဲ့တာပါ။ မက္ကဆီကိုကတော့ ဂျီမီနက်ဇ်၊ ကွင်နိုနက်စ်တို့ရဲ့တိုက်စစ်နဲ့
တောင်ကိုရီးယားဖက်ကို ဖိအားပေးခဲ့ပြီး အပြန်အလှန်ဂိုးသွင်းခွင့်တွေလည်း
ရခဲ့ကြတာပါ။
.
ပွဲအစ ၄ မိနစ်မှာတင် လီကန်အင်ရဲ့ ကြမ်းတမ်းတဲ့ ကစားပုံကြောင့်
အဝါကတ်အပြခံခဲ့ရပြီး ပွဲချိန် မိနစ် ၂၀ မှာ ကွင်နိုနက်စ်ရဲ့ခေါင်းတိုက်ချက်ကို
တောင်ကိုရီးယားဂိုးသမား ကာကွယ်ခဲ့ရပါတယ်။
.
ပထမပိုင်းမှာတော့ ဘောလုံးက ကွင်းလယ်မှာတင်
အပျက်များနေခဲ့ပြီး ဆိုယောင်ဝူးရဲ့ ဘယ်ခြေ ကန်သွင်းချက်နဲ့ ဂိုးဧရိယာအပြင်က
ကန်ခဲ့တဲ့ လီကန်အင်ရဲ့ ကန်သွင်းမှုတွေက လွဲရင် နှစ်သင်းစလုံး အခွင့်အရေးတွေ
သိသိသာသာ မရခဲ့ကြပါဘူး။
.
ဒုတိယပိုင်းမိနစ် ၅၀ မှာတော့ မက္ကဆီကိုက
အဖွင့်ဂိုးရသွားခဲ့ပြီး လူးဝစ်ရိုမို က ဂိုးဧရိယာထဲမှာ ညာခြေနဲ့ ကန်သွင်းယူသွားခဲ့တာပါ။
.
ဂိုးပေးလိုက်ရတာကြောင့် တောင်ကိုရီးယားတို့
တိုက်စစ်ကို ပိုအရှိန်မြင့်ခဲ့ပေမဲ့ မက္ကဆီကို ခံစစ်ကို မကျော်နိုင်တဲ့အပြင်
မက္ကဆီကိုကတောင် ဂိုးထပ်ရမယ့်အခွင့်အရေးတွေ ရခဲ့တာပါ။
.
ပွဲချိန် ၇၅ မိနစ်မှာ
ကွင်နိုနက်စ်ရဲ့ဖန်တီးပေးမှုက တစ်ဆင့် ဂျီမီနက်ဇ်က ညာခြေနဲ့ကန်သွင်းခဲ့ပေမဲ့
ဂိုးသမား ကင်ဆောင်ဂယူ ကာကွယ်သွားနိုင်ခဲ့ပါတယ်။ ပွဲချိန် မိနစ် ၈၀ နားက စလို့
တောင်ကိုရီးယားဖက်က ဂိုးသွင်းခွင့်တွေ ဆက်တိုက်ရခဲ့ပေမဲ့ လီကန်အင်၊ ယန်ဟွမ်ဂျန်
တို့ အသုံးမချနိုင်ခဲ့လို့ ပွဲအပြီးမှာ ၁-၀ ဆိုတဲ့ ရလာဒ်နဲ့ တောင်ကိုရီးယားတို့
အရှုံးပေးလိုက်ရဝါပဲ ဖြစ်ပါတယ်။
.
No comments:
Post a Comment