ယနေ့အတွက် ကမ္ဘောဇတိုင်းရဲ့ သတင်းများ (ရုပ်သံ)

ဒီနေ့ ၂၀၂၆ ခုနှစ်၊ ဇူလိုင်လ ၂၁ ရက်အတွင်း ရရှိထားတဲ့ သတင်းတွေထဲက အချို့ကို တင်ဆက်ထားတာ ဖြစ်ပါတယ် -
.
■ တောင်ကြီးမြိုနယ်၊ ရေပူရွာရှိ ပန်းပေါင်းစက်ရုံ အနံ့ဆိုးများကြောင့် ကလေးငယ်များ စာသင်ရန်ပင် ခက်ခဲနေ
.
ရှမ်းပြည်နယ်တောင်ပိုင်း၊ တောင်ကြီးမြို့နယ်၊ ကွန်လုံကျေးရွာအုပ်စု၊ ရေပူကျေးရွာမှာ ရှိတဲ့ ပန်းပေါင်းစက်ရုံကနေ အနံ့အသက်ဆိုးတွေ ထွက်နေတာကြောင့် ကလေးတွေစာသင်နိုင်ဖိုတောင် အခက်အခဲ ဖြစ်နေပြီး အနီး ပတ်ဝန်းကျင်ကျေးရွာတွေက ကလေးသူငယ်တွေနဲ့ သက်ကြီးရွယ်အိုတွေအတွက် အဆင်မပြေ ဖြစ်နေကြတယ်လို့ သိရပါတယ်။

.

■ တောင်ကြီးမှာ အိမ်ရှင်အဖြစ် လာရောက် ကစားတော့မယ့် ရှမ်း အမျိုးသမီးအသင်း
.
မြန်မာအမျိုးသမီးလိဂ် ပြိုင်ပွဲမှာ ဝင်ရောက် ယှဉ်ပြိုင်နေတဲ့ ရှမ်းယူနိုက်တက် အမျိုးသမီးအသင်းကတော့ ဒီတစ်ပတ် ကစားမယ့် ဇွဲကပင်အသင်းနဲ့ပွဲကို တောင်ကြီးမြိုမှာ ပထမဆုံး အကြိမ် အိမ်ရှင်အဖြစ်နဲ့ လက်ခံ ကျင်းပသွားဖို ရှိနေပါတယ်။ မနက်ဖြန် ဇူလိုင်လ ၂၂ ရက်၊ ညနေ ၃ နာရီခွဲ အချိန်မှာ ကစားကြမှာ ဖြစ်ပြီး တောင်ကြီး ပရိသတ်တွေအနေနဲ့ လာရောက် အားပေးကြဖို ရှမ်းယူနိုက်တက်အသင်းက ဖိတ်ခေါ်ထားတာပါ။

.

■ အီရန်စစ်ပွဲမှာ နောက်ဆုံး ၂ပတ်အတွင်း အမေရိကန်စစ်သား ၁၀၀ ကျော် ဒဏ်ရာရ
.
အမေရိကန်နဲ့ အီရန်တို့ အကြား စစ်ရေး တင်းမာမှုတွေ ဆက်လက် မြင့်တက်နေချိန်မှာ ဇူလိုင် ၇ ရက်ကနေ ဒီနေ့အထိ နှစ်ပတ်အတွင်း အမေရိကန် စစ်သား ၁၀၀ ကျော် ဒဏ်ရာရရှိခဲ့တယ်လို့ ပင်တဂွန်က ထုတ်ပြန်ထားပါတယ်။