နိုင်ပွဲဆက်ဦးမယ့် ပြင်သစ်နဲ့ ဇူလိုင် ၄ ရက်နေ့ ကမ္ဘာ့ဖလား ခန့်မှန်းချက်များ

.

၂၀၂၆ ခုနှစ်၊ ဇူလိုင်လ ၄ ရက်

.

.

■ ကနေဒါ - မော်ရိုကို (ည ၁၁-၃၀)

.

ပြီးခဲ့တဲ့အဆင့်မှာတော့ ကမ္ဘာ့ဖလားအိမ်ရှင်တွေထဲက တစ်သင်းဖြစ်တဲ့ ကနေဒါက တောင်အာဖရိက ကို ၁-၀ နဲ့ နိုင်ခဲ့ပြီး မော်ရိုကို ကတော့ နယ်သာလန်ကို ပင်နယ်တီနဲ့နိုင်ခဲ့တာပါ။

.

ကနေဒါက ခံစစ်ပိုင်း သိပ်မကောင်းပေမဲ့လည်း တိုက်စစ်က ဒေးဗီး၊ လာရင်အတွဲနဲ့ ကွင်းလယ်ဗဟိုက ဆာလီဘာ၊ အက်စ်တာကီယို အတွဲက တော်တော်လေး ကောင်းနေခဲ့တာပါ။

.

မော်ရိုကို ကတော့ အသင်းလိုက်ကစားပုံကို ဦးစားပေးထားတဲ့ အသင်းဖြစ်ပြီး တိုက်စစ်က ဆိုင်ဘာရီ၊ ဘယ်တောင်ပံက ခန်နော့စ်နဲ့ အသင်းခေါင်းဆောင် ဟာကီမီ တို့ကို အထိုင်ချပြီး ကစားနေတဲ့အသင်းပါ။

.

ထိပ်တိုက်တွေ့ဆုံမှုတွေကို ပြန်ကြည့်လိုက်ရင်တော့ ကနေဒါနဲ့ မော်ရိုကို တို့ တွေ့ဆုံခဲ့ဖူးတဲ့ ၂ ကြိမ်စလုံး မော်ရိုကိုကချည်း နိုင်ခဲ့တာပါ။

.

ကနေဒါအတွက်ကလည်း ကမ္ဘာ့ဖလားသမိုင်းတစ်လျောက် ၁၆ သင်းအဆင့်ကို ပထမဆုံးအကြိမ် ရောက်နိုင်ခဲ့ ပြီမို့ ကျေနပ်မယ်ဆို ကျေနပ်လို့ရနေပါပြီ။ ၁၆ သင်းအဆင့်မှာ အာဖရိကအသင်းတွေ သိပ်မကျန်တော့တာ၊ ထိပ်တိုက်တွေ့ဆုံမှုတွေမှာ မော်ရိုကို အသာရနေတာ၊ လက်ရှိခြေစွမ်းနဲ့ကစားပုံအရ မော်ရိုကို သာနေတာ တွေကို ယှဉ်ကြည့်လိုက်ရင် ဒီပွဲက မော်ရိုကိုပဲ နောက်တစ်ဆင့်တက်မယ့် ပွဲမျိုးပါ။

.

■ ပြင်သစ် - ပါရာဂွေး (နံနက် ၃-၃၀)

.

ဂျာမနီကို ပင်နယ်တီအဆုံးအဖြတ်နဲ့ နိုင်ပြီး နောက်တစ်ဆင့်တက်လာတဲ့ ပါရာဂွေးရဲ့ ကြိုးစားမှုကိုတော့ အသိအမှတ်ပြုရမှာပါ။ ဒါပေမဲ့ ပြီးခဲ့တဲ့ ၄ ပွဲမှာ ပေးဂိုး ၂ ဂိုးနဲ့ ရဂိုး ၁၃ ဂိုးရှိခဲ့တဲ့ ပြင်သစ်ရဲ့ တိုက်စစ်ကို ဥရုဂွေးတို့ တားဆီးနိုင်ပါ့မလား ဆိုတာကတော့ မေးခွန်းထုတ်ဖို့ လိုလာပါလိမ့်မယ်။

.

အန်ဆီယို၊ ဂိုမက်ဇ်၊ အယ်လ်မီရွန်တို့ရဲ့ ပါရာဂွေးက ပိတ်ကစားတတ်တဲ့အသင်းမျိုးမဟုတ်တာတော့ အသေ အချာပါ။ သူတို့ရဲ့ကစားပုံက ပြိုင်ဘက်တိုက်စစ်ကို တိုက်စစ်နဲ့လိုက်ထိန်းတဲ့ပုံစံဖြစ်ပြီး ဂျာမနီနဲ့ပွဲမှာ ကစားခဲ့တဲ့ ပုံစံအတိုင်း ဒီပွဲကို ချည်းကပ်မှာပါ။

.

ပြင်သစ်ကတော့ ဘက်ပီ၊ အိုလစ်ဆီ၊ ဒမ်ဘီလီ၊ ဘာကိုလာ တို့ရဲ့တိုက်စစ်အတွဲနဲ့ ပွဲထွက်လာမှာဖြစ်ပြီး ကွင်းလယ်မှာ ချုဝါမီနီ၊ ရာဘီယော့ တို့ ကစားမှာပါ။ ခံစစ်မှာတော့ ပါမီကာနို၊ ဆာလီဘာ အတွဲနဲ့အတူ အပြောင်းအလဲ သိပ်ရှိဖို့ မမြင်ပါဘူး။

.

ထိပ်တိုက်တွေ့ဆုံမှုတွေကို ပြန်ကြည့်ရင်တော့ နောက်ဆုံး ၃ ကြိမ်တွေ့ဆုံမှုမှ ပါရာဂွေးတို့က ၂ ကြိမ် သရေ ကစားနိုင်ခဲ့လို့ မဆိုးဘူးလို့တော့ ပြောလို့ရတယ်။ ဒါပေမဲ့ ပါရာဂွေးရဲ့လက်ရှိခံစစ်လောက်နဲ့တော့ ပြင်သစ် တိုက်စစ်ကို တားလို့မရမှာ သေချာပါတယ်။ ပြင်သစ်ရဲ့ ဂိုးပြတ်နိုင်ပွဲတစ်ပွဲကို ထပ်ကြည့်ရမယ့်ပွဲပါ။

.