.
၂၀၂၆ ခုနှစ်၊ ဇူလိုင် ၃ ရက်
.
တောင်ကိုရီးယားရဲ့နာမည်ကျော်
ကေပေါ့ပ်အဖွဲ့ဖြစ်တဲ့ BIGBANG ရဲ့အဖွင့်ဝင်ဟောင်း တစ်ယောက်ဖြစ်တဲ့
TOP ကတော့ သူ့ရဲ့ပထမဆုံးတစ်ကိုယ်တော် အာရှပရိသတ်တွေ့ဆုံပွဲခရီးစဉ်ဖြစ်တဲ့
“T.O.P PRE-STUDIO 2026” အတွက် ပွဲကျင်းပမယ့် ရက်စွဲတွေနဲ့ မြို့တွေကို
ကြေညာသွားခဲ့ပါတယ်။
.
လက်ရှိမှာ သရုပ်ဆောင်နဲ့ အဆိုတော်တစ်ယောက်အဖြစ်
ရပ်တည်နေတဲ့ TOP က အာရှပရိသတ်ခရီးစဉ် အတွင်းမှာ ဟောင်ကောင်၊
တိုင်ပေ၊ ဂျကာတာ၊ ကွာလာလမ်ပူ၊ တိုကျိုနဲ့ ထိုင်ဝမ်နိုင်ငံတောင်ပိုင်းက ခိုဆီယမ်
မြို့တွေဆီ သွားရောက်မှာဖြစ်ပြီး ပရိသတ်တွေနဲ့တွေ့ဆုံဖို့ စီစဉ်ထားတာပါ။ ဒါ့အပြင်
ထုတ်ပြန်ထားတဲ့ ပိုစတာ မှာလည်း နောက်ထပ်မြို့တွေကို ထပ်မံကြေညာသွားဦးမယ်လို့
အရိပ်အမြွက် ဖော်ပြထားတာကြောင့် အာရှနိုင်ငံတွေမှာ နောက်ထပ် ပွဲတွေ
တိုးလာဦးမယ်လို့ ပရိသတ်တွေက မျှော်လင့်နေကြတာပါ။
.
ပရိသတ်တွေ့ဆုံပွဲရဲ့နာမည်ဖြစ်တဲ့ “PRE-STUDIO”
ဆိုတာက ပြီးခဲ့တဲ့ဖျော်ဖြေပွဲတွေနဲ့ မတူညီတဲ့ပုံစံသစ် တစ်မျိုးကို
ရည်ညွှန်းထားတာဖြစ်တဲ့အကြောင်း TOP ရဲ့အေဂျင်စီက ဆိုပါတယ်။
စီစဉ်သူတွေရဲ့ ပြောဆိုချက် အရ ဒီတွေ့ဆုံပွဲမှာ TOP တစ်ဦးတည်း
သီဆိုမှာမဟုတ်ဘဲ ပရိသတ်တွေကလည်း ဖျော်ဖြေမှုရဲ့ တစ်စိတ်တစ်ပိုင်း အနေနဲ့
ပါဝင်ခွင့်ရမယ့် အတွေ့အကြုံသစ်ကိုလည်း ဖန်တီးပေးသွားမယ်လို့ဆိုတာပါ။
.
လက်ရှိမှာတော့ TOP က
ဇူလိုင် ၉ ရက်မှာ ဂျပန်နိုင်ငံမှာ ကျင်းပမယ့် ပရိသတ်တွေ့ဆုံပွဲအတွက် ပြင်ဆင် နေပြီး
ဒီပွဲက အာရှခရီးစဉ်မတိုင်မီ ပရိသတ်တွေနဲ့ပြန်လည်တွေ့ဆုံမယ့် အထူးအစီအစဉ်တစ်ခုအဖြစ်
စိတ်ဝင်စားမှု မြင့်တက်နေတာလည်းဖြစ်ပါတယ်။
.
Source – Soompi
.
No comments:
Post a Comment