ထရမ့်အစိုးရ ဒုတိယသက်တမ်းတွင် ဗီဇာ ၃ သိန်းကျော် ရုပ်သိမ်းခဲ့

.

၂၀၂၆ ခုနှစ်၊ အောက်တိုဘာလ ၂၁ ရက်

.

ထရမ့်အစိုးရဟာ ဒုတိယသက်တမ်းအတွင်း အမေရိကန်ဗီဇာ ၃ သိန်းကျော် ရုပ်သိမ်းခဲ့တယ်လို့ အမေရိကန် နိုင်ငံခြားရေးဝန်ကြီးဌာနက အင်္ဂါနေ့မှာ ပြောပါတယ်။ အမေရိကန်အစိုးရက လူဝင်မှုကြီးကြပ်ရေးနဲ့ ပတ်သက်ပြီး တင်းကျပ်တဲ့ အရေးယူမှုတွေ ဆက်လုပ်နေချိန်မှာ ဗီဇာရုပ်သိမ်းတဲ့ အရှိန်လည်း ပြီးခဲ့တဲ့ အပတ် ကထက်  ပိုမြန်လာပါတယ်။

.

.

နိုင်ငံခြားရေးဝန်ကြီးဌာနက ဩဂုတ် ၁၀ ရက်မှာ ထုတ်ပြန်ခဲ့တဲ့ အချက်အလက်အရ ထရမ့်ရဲ့ လက်ရှိ သက်တမ်း ၂၀၂၅ ခုနှစ် ဇန်နဝါရီမှာ စတင်ကတည်းက ဗီဇာ ၁၇၅,၀၀၀ ကျော် ရုပ်သိမ်းထားတယ်လို့ ဆိုထားပါတယ်။

.

ထရမ့်ကတော့ လူဝင်မှုကြီးကြပ်ရေးနဲ့ နိုင်ငံခြားသားတွေကို ပြန်ပို့တဲ့ လုပ်ငန်းစဉ်တွေဟာ ပြည်တွင်း လုံခြုံရေး ပိုကောင်းလာဖို့ ရည်ရွယ်တာလို့ ပြောပေမယ့် လူ့အခွင့်အရေး အဖွဲ့တွေက ဒီအရေးယူမှု တွေဟာ တရားမျှတတဲ့ လုပ်ငန်းစဉ်နဲ့ လွတ်လပ်စွာပြောဆိုခွင့်တွေကို ချိုးဖောက်နေပြီး အထူးသဖြင့် လူမျိုးစုနည်းပါး သူတွေကြား မလုံခြုံတဲ့ အခြေအနေ ဖြစ်စေတယ်လို့ ဝေဖန်ပါတယ်။

.

နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ တော်မီ ပီဂေါ့က X မှာ ထုတ်ပြန်ရာမှာ ထရမ့်အစိုးရဟာ အမေရိကန်သမိုင်းတစ်လျှောက် ဘယ်အစိုးရထက်မဆို ဗီဇာတွေကို ပိုများပြီး ပိုမြန်တဲ့နှုန်းနဲ့ ရုပ်သိမ်းနေ တယ်လို့ ပြောပါတယ်။ ဗီဇာနဲ့ အမေရိကန်မှာ ရှိနေသူတွေက ဥပဒေချိုးဖောက်တာ၊ လိမ်လည်တာ ဒါမှမဟုတ် အမျိုးသားလုံခြုံရေးကို ထိခိုက်စေတာတွေရှိရင် လုံးဝသည်းခံမှာ မဟုတ်ဘူးလို့လည်း ဆိုပါတယ်။

.

လူ့အခွင့်အရေးအဖွဲ့တွေက အထူးဝေဖန်ထားတဲ့ ဗီဇာရုပ်သိမ်းမှုတွေထဲမှာ အမေရိကန်ရဲ့ မဟာမိတ် အစ္စရေးရဲ့ ဂါဇာတိုက်ခိုက်မှုတွေကို ဆန့်ကျင်ဆန္ဒပြတဲ့ ပါလက်စတိုင်းလိုလားသူ နိုင်ငံခြားသားတွေ၊ ရှေးရိုးစွဲ ဝါဒီ သုံးသပ်သူ ချာလီ ကာ့ခ် အသတ်ခံရမှုနဲ့ပတ်သက်ပြီး ဆိုရှယ်မီဒီယာမှာ မှတ်ချက်ပေးခဲ့တဲ့ နိုင်ငံခြားသားတွေရဲ့ ဗီဇာတွေ ပါဝင်ပါတယ်။

.

ဒါ့အပြင် ထရမ့်အစိုးရဟာ နိုင်ငံခြားသား ဆန္ဒပြသူတွေကို ပြန်ပို့ဖို့ ကြိုးပမ်းနေသလို ရွှေ့ပြောင်း နေထိုင်သူ တွေနဲ့ ဗီဇာလျှောက်ထားသူတွေရဲ့ ဆိုရှယ်မီဒီယာ အသုံးပြုမှုတွေကိုလည်း ပိုမိုတင်းကျပ်စွာ စစ်ဆေး နေပါတယ်။

.

လူ့အခွင့်အရေးအဖွဲ့တွေကတော့ အစိုးရဟာ အမျိုးသားလုံခြုံရေးဆိုတဲ့ အကြောင်းပြချက်ကို အသုံးပြုပြီး ဝေဖန်သူတွေကို ပစ်မှတ်ထားနေသလို လိမ်လည်မှုဖြစ်ရပ်တချို့ကို အခြေခံပြီး ရွှေ့ပြောင်းနေထိုင်သူ အသိုင်း အဝိုင်းတွေကိုပါ ကျယ်ကျယ်ပြန့်ပြန့် ပစ်မှတ်ထားနေတယ်လို့ ဝေဖန်ပါတယ်။

.

ထရမ့်ဟာ ၂၀၂၄ ရွေးကောက်ပွဲ မဲဆွယ်စဉ်က တရားမဝင် လူဝင်မှုကြီးကြပ်ရေးကို ရပ်တန့်မယ်လို့ ကတိပြုခဲ့ပေမယ့် သူ့အစိုးရလက်ထက်မှာ တရားဝင် လူဝင်မှုကြီးကြပ်ရေးလည်း ပိုမိုခက်ခဲလာပြီး အချို့အလုပ်ဗီဇာတွေအတွက် ကုန်ကျစရိတ်မြင့်မားတဲ့ အခကြေးငွေတွေ သတ်မှတ်တာမျိုး လုပ်ဆောင်ထားပါတယ်။

.

Ref – Reuters

.