အောင်ပန်းတွင် လက်ကိုင်ဖုန်းဖြင့် စလော့ဂိမ်း ဆော့ကစားသူ အဖမ်းခံရ

.

၂၀၂၆ ခုနှစ်၊ အောက်တိုဘာလ ၂၀ ရက်

.

ရှမ်းပြည်နယ်တောင်ပိုင်း၊ ကလောမြို့နယ်၊ အောင်ပန်းမြို့တွင် ယနေ့ အောက်တိုဘာလ ၂၀ ရက်၊ နေ့လယ်ပိုင်းက လက်ကိုင်ဖုန်းဖြင့် စလော့ဂိမ်း ဆော့ကစားသူ အမျိုးသားတစ်ဦး ဖမ်းဆီးခံခဲ့ရကြောင်း သိရသည်။

.

.

အောင်ပန်းနယ်မြေရဲစခန်းမှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် ယနေ့ အောက်တိုဘာ ၂၀ ရက်၊ နေ့လယ် ၃ နာရီခန့်က အောင်ပန်းမြို့ပေါ်ရပ်ကွက်များအတွင်း နယ်မြေလှည့်ကင်း ဆောင်ရွက်နေစဉ် ညောင်ပင်ထောင်ရပ်ကွက်၊ နယ်မြေ (၅) လမ်းပေါ်တွင် မသင်္ကာဖွယ် လမ်းလျှောက်လာသူ အမျိုးသားတစ်ဦး အား တားဆီးစစ်ဆေးခဲ့ကြောင်း သိရသည်။

.

ထိုသို့ စစ်ဆေးရာတွင် အမျိုးသားမှာ အောင်ပန်းမြို့၊ ညောင်ပင်ထောင်ရပ်ကွက်နေ သီဟ ဆိုသူဖြစ်ကြောင်း သိရပြီး ၎င်းကိုင်ဆောင်ထားသည့် လက်ကိုင်ဖုန်းအတွင်းမှ Sea Hunter SLOT ဂိမ်းဖြင့် အွန်လိုင်း လောင်းကစားပြုလုပ်ပြီး ငွေကျပ် ၆၀၀၀ သွင်းကာ ၃၀၀၀၀ ကျပ် ထုတ်ယူခဲ့ကြောင်း စစ်ဆေး တွေ့ရှိခဲ့ရခြင်း ဖြစ်သည်ဟု သိရသည်။

.

အဆိုပါ လက်ကိုင်ဖုန်းဖြင့် အွန်လိုင်းလောင်းကစား စလော့ဂိမ်း ဆော့ကစားသူ သီဟ အား အောင်ပန်း နယ်မြေရဲစခန်းတွင် လောင်းကစားဥပဒေ ပုဒ်မ ၁၅ (က) ဖြင့် အမှုဖွင့်အရေးယူ ဆောင်ရွက်လျက် ရှိကြောင်း သိရသည်။

.