.
၂၀၂၆ ခုနှစ်၊ အောက်တိုဘာလ ၁၇ ရက်
.
တောင်ကြီးတက္ကသိုလ် အဝေးသင် ပအိုဝ်းကျောင်းသား/သူများ စုပေါင်း၍
အောက်တိုဘာလ ၁၈ ရက်၊ ညနေပိုင်းတွင် တောင်ကြီးမြို့၊ စူဠာမုနိလောကချမ်းသာစေတီတော်၌ မီးကြာလှည့်လည်ပူဇော်သွားမည်
ဖြစ်ကြောင်း သိရသည်။
.
“ညနေ ၅ နာရီ၊ ၆ နာရီဝန်းကျင်လောက် စူဠာမုနိစေတီအောက်ဘက်က
တောင်ကြားလမ်းမှာ လူစုပြီး စထွက်မှာပါ။ အခက်အခဲကတော့ ညဘက်ဖြစ်တဲ့အတွက်
စေတီတော်အတက်လမ်းမှာ ကားတွေက အရှိန်နဲ့သွားကြတော့ လမ်းလျှောက်တဲ့အခါ တိုက်မိမှာကို
စိုးရိမ်ရပါတယ်” ဟု တောင်ကြီးတက္ကသိုလ် အဝေးသင် ပအိုဝ်းတိုင်းရင်းသားစည်းလုံးရေး
တာဝန်ခံတစ်ဦးက ကမ္ဘောဇတိုင်းသို့ ပြောသည်။
.
အဆိုပါ မီးကြာလှည့်လည် ပူဇော်ပွဲတွင် ကျောင်းသား/သူ ၄၀၀ မှ
၅၀၀ ဦးခန့်အထိ ပါဝင်နိုင်ရန် စီစဉ်ထား ကြောင်း ၎င်းထံက သိရသည်။
.
ယင်းကဲ့သို့ စုပေါင်းလှည့်လည်ပူဇော်ခြင်းအားဖြင့်
ပအိုဝ်းရိုးရာယဉ်ကျေးမှုအမွေအနှစ်များကို မျိုးဆက်သစ် လူငယ်များအကြား
ဆက်လက်ထိန်းသိမ်းနိုင်ရန်အပြင် ကျောင်းသား၊ ကျောင်းသူများအချင်းချင်း
ချစ်ကြည်ရင်းနှီးမှုနှင့် စုပေါင်းဆောင်ရွက်မှုများ ပိုမိုတိုးတက်လာစေရန် ရည်ရွယ်၍
ဆောင်ရွက်ခြင်း ဖြစ်ကြောင်း သိရသည်။
.
No comments:
Post a Comment