ထိုင်းမှာ ရေကြီးမှု ဆက်ဖြစ်နေ

 .

၂၀၂၆ ခုနှစ်၊ အောက်တိုဘာလ ၂၀ ရက်

 

ထိုင်းနိုင်ငံက ပြည်နယ် ၂၂ ခုနဲ့ ဘန်ကောက်အရှေ့ပိုင်း ခရိုင် ၃ ခုမှာ ရေကြီးနေပြီး အိမ်ထောင်စု ၆၀၄,၂၆၅ စု၊ လူဦးရေ ၁၈ သိန်းကျော်ထိခိုက်နေပေမဲ့ ရေကြီးနေတဲ့ ဒေသအားလုံးမှာ ရေပြန်ကျလာနေပြီလို့ သဘာဝဘေး ကာကွယ်ရေးနဲ့ လျှော့ချရေးဌာန (DDPM) က ပြောပါတယ်။

.

.

မိုးသည်းထန်စွာ ရွာသွန်းတာနဲ့ မြောက်ပိုင်းကနေ ရေတွေ တောင်ဘက်ကို စီးဆင်းလာတာကြောင့် မြစ်တွေ ရေလျှံပြီး ရေကြီးမှုတွေ ဖြစ်ပေါ်ခဲ့တာပါ။ လက်ရှိမှာ ခရိုင် ၈၈ ခု၊ ရပ်ကွက်/ကျေးရွာအုပ်စု ၇၁၅ ခုနဲ့ ကျေးရွာ ၅,၄၃၅ ရွာ ထိခိုက်နေပါတယ်။

.

အရှေ့ပိုင်းမှာတော့ နခွန်နာယော့ခ် ပြည်နယ်မှာ အိမ်ထောင်စု ၂၃,၈၃၅ စု ထိခိုက်ပြီး လူ ၆ ဦး သေဆုံးထားပါတယ်။ ပရာချင်ဘူရီမှာ အိမ်ထောင်စု ၅၁,၃၉၀ စု ထိခိုက်ပြီး ၂၆ ဦး သေဆုံးထားသလို ချာချောင်ဆောင်မှာ အိမ်ထောင်စု ၅၄,၇၂၉ စု ထိခိုက်ပြီး ၇ ဦး သေဆုံးထားပါတယ်။

.

အလယ်ပိုင်းမှာတော့ ပထုမ်သာနီက အိမ်ထောင်စု ၁၀၆,၇၀၅ စု ထိခိုက်ပြီး အများဆုံးဖြစ်ပါတယ်။ အယုဒ္ဓယ မှာ အိမ်ထောင်စု ၇၂,၃၃၆ စု၊ ဆူဖန်ဘူရီမှာ ၂၂,၅၉၈ စု ထိခိုက်ထားပါတယ်။

.

ဘန်ကောက်မှာတော့ လတ်ကရဘန်း၊ နောင်ချော့ခ်နဲ့ မင်းဘူရီ ခရိုင် ၃ ခုမှာ ရေကြီးနေပြီး အိမ်ထောင်စု ၂၁၀,၆၄၈ စု ထိခိုက်ကာ လူ ၄ ဦး သေဆုံးထားပါတယ်။ အဲဒီဒေသတွေမှာလည်း ရေပြန်ကျလာ နေပြီလို ထိုင်းသတင်းတွေမှာ ဆိုထားပါတယ်။

.

တောင်ပိုင်းမှာတော့ ကရာဘီနဲ့ စတူန် ပြည်နယ်တွေမှာ ရေကြီးမှု အခြေအနေ တဖြည်းဖြည်း ပုံမှန် ပြန်ဖြစ် လာနေပါတယ်။ အာဏာပိုင်တွေက ရေကြီးမှုကြောင့် ထိခိုက်နေသူတွေကို ကူညီဖို့ စက်ယန္တရားတွေ၊ ရေစုပ် စက်တွေနဲ့ ဝန်ထမ်းတွေ ဖြန့်ချထားပြီး ရေကျသွားတဲ့နေရာတွေမှာ အိမ်၊ လယ်ယာနဲ့ အများပိုင်အဆောက်အအုံ တွေ ပျက်စီးမှုကို စစ်ဆေးကာ အကူအညီတွေ အမြန်ပေးနိုင်ဖို့ ပြင်ဆင်နေ ပါတယ်။

.

Ref – The Nation

.