ဩစတြေးလျအလုပ်အကိုင် လိမ်လည်မှုကြောင့် ထိုင်းအလုပ်ရှာဖွေသူများ ထိခိုက်

.

၂၀၂၆ ခုနှစ်၊ အောက်တိုဘာလ ၂၁ ရက်

.

ဩစတြေးလျနိုင်ငံမှာ အလုပ်ရမယ်လို့ လိမ်လည်ခံခဲ့ရတဲ့ ထိုင်းနိုင်ငံသားတွေဟာ ဘတ်ငွေ ၁၀ သန်းကျော် ဆုံးရှုံးထားရတာကြောင့် အမြန်ဆုံး စုံစမ်းစစ်ဆေးပေးဖို့ လူကုန်ကူးမှုတိုက်ဖျက်ရေးဌာနကို တိုင်ကြားလိုက် ပါတယ်။

.

.

လူမှုကွန်ရက်ကနေတစ်ဆင့် ထိုင်းအလုပ်သမားတွေကို စည်းရုံးခေါ်ယူခဲ့တယ်လို့ စွပ်စွဲခံထားရတဲ့ အလုပ် အကိုင် page တစ်ခုကို တိုင်ကြားဖို့နဲ့ သက်သေ အထောက်အထားတွေ တင်ပြဖို့ အင်္ဂါနေ့မှာ ထိခိုက်နစ်နာသူ တွေဟာ BSJ Law Firm ဥပဒေအကြံပေးအဖွဲ့နဲ့အတူ ဗဟိုစုံစမ်းစစ်ဆေးရေးဗျူရို (CIB) ကို လာရောက်ခဲ့တယ် လို့ သတင်းမှာဖော်ပြထားပါတယ်။

.

အဲဒီအလုပ်အကိုင်ရှာဖွေရေး page ဟာ ဩစတြေးလျမှာ လစာကောင်းကောင်းနဲ့ အလုပ်ရမယ်လို့ ကတိ ပေးပြီးနောက် လူတစ်ဦးချင်းစီဆီက အပ်ငွေနဲ့ စာရွက်စာတမ်းလုပ်ဆောင်ခအဖြစ် ဘတ်သိန်းနဲ့ချီ တောင်းခံခဲ့ ပါတယ်။ အဲဒီလို ဘတ်သိန်းချီတောင်းပေမယ့် ဩစတြေးလျကို အမှန်တကယ်ပို့ပေးခဲ့ တာမျိုး မရှိတာ ကြောင့် လာရောက်တိုင်ကြားခဲ့တာဖြစ်ပါတယ်။

.

ဥပဒေအကျိုးဆောင်ကုမ္ပဏီရဲ့ ခန့်မှန်းချက်အရ ထိုင်းနိုင်ငံတစ်ဝန်း လူဒါဇင်နဲ့ချီ အလိမ်ခံထားရပြီး တချို့က ဩစတြေးလျ သွားဖို့အတွက် ဝန်ဆောင်ခကို ချေးယူခဲ့ကြတယ်လို့ ဆိုပါတယ်။

.

တိုင်ကြားသူတွေက ငွေကြေးလွှဲပြောင်းမှုတွေကို လိုက်လံစစ်ဆေးဖို့၊ စာချုပ်တွေနဲ့ သက်ဆိုင်ရာစာရွက် စာတမ်း တွေကို စစ်ဆေးဖို့နဲ့ တာဝန်ရှိသူတွေကို တရားစွဲဆိုအရေးယူဖို့ တောင်းဆိုထားပါတယ်။

.

Ref – Bangkok Post

.