အခွန်အမှတ်တံဆိပ်ပါပြေစာ မထုတ်ပေးသည့် စားသောက်ဆိုင်များကို ဒဏ်ငွေတပ် အရေးယူမည်

.

၂၀၂၆ အောက်တိုဘာ ၉ရက်

.

အခွန်အမှတ်တံဆိပ်ပါပြေစာများကို စားသုံးသူထံသို့ ထုတ်ပေးခြင်းမရှိသည့် စားသောက်ဆိုင်များကို အခွန်အကောက် ဥပဒေပုဒ်မ ၄၀ (က) အရ ဒဏ်ငွေတပ် အရေးယူသွားမည်ဖြစ်ကြောင်း ပြည်တွင်း အခွန်များဦးစီးဌာနက ထုတ်ပြန်ကြေညာထားသည်။

.

.

စားသောက်ဆိုင်လုပ်ငန်းရှင်များသည် ရောင်းရငွေနှင့်အတူ  ကျသင့်ကုန်သွယ်လုပ်ငန်းခွန် ပါဝင်သည့် အခွန်အမှတ်တံဆိပ်ကပ်ထား​သော ပြေစာကို စားသုံးသူထံသို့ တောင်းခံသည်ဖြစ်စေ၊ မတောင်းခံသည်ဖြစ်စေ မဖြစ်မနေ ထုတ်ပေးရမည် ဖြစ်ပြီး ကောက်ခံရရှိသည့် ကုန်သွယ်လုပ်ငန်းခွန်ကို သက်ဆိုင်ရာ မြို့နယ် အခွန်ဦးစီးဌာနရုံးသို့ လစဉ် ပေးသွင်းရမည်ဖြစ်ကြောင်း သိရသည်။

.

အခွန်တံဆိပ် ကပ်ထားသောပြေစာများမထုတ်ပေးသည့် စားသောက်ဆိုင်များကို သတင်ပေးသူများအတွက် ကောက်ခံရရှိသည့် ငွေများမှ ၃၀ ရာနှုန်း ဆုချီးမြင့်သွားမည်ဖြစ်ပြီး သတင်းပေးသူ၏ အမည် ကိုယ်ရေး အချက်အလက်များကို ထုတ်ဖော်ပြောကြားသွားမည်မဟုတ်ကြောင်း ပြည်တွင်းအခွန်က ထုတ်ပြန် ထားသည်။

.

စားသောက်ဆိုင် လုပ်ငန်းရှင်များအနေဖြင့် ဒဏ်ကြေးပေးဆောင်ခြင်းမှ ကာကွယ်ရန် ပြည်တွင်းအခွန်များ ဦးစီးဌာနမှ ချမှတ်ထားသော စည်းကမ်းများကို အတိအကျလိုက်နာရန် လိုအပ်ကြောင်း သိရသည်။

.