အီရတ်က အီရန်နှင့် ရှီးဘ်နယ်စပ်ဂိတ် ပြန်ဖွင့်

.

၂၀၂၆ ခုနှစ်၊ နိုဝင်ဘာလ ၁၀ ရက်

.

အီရတ်နိုင်ငံက အီရန်နဲ့ နယ်စပ်ဖြတ်သန်းတဲ့ ရှီးဘ်နယ်စပ်ဂိတ်ကို လိုအပ်တဲ့ နည်းပညာပိုင်းဆိုင်ရာ အချက်တွေ၊ လုပ်ထုံးလုပ်နည်းတွေ ပြီးစီးသွားပြီးနောက် အင်္ဂါနေ့မနက်မှာ ပြန်ဖွင့်မယ်လို့ အီရတ် နယ်စပ်ဂိတ်များအာဏာပိုင်အဖွဲ့ အကြီးအကဲက နိုင်ငံပိုင်သတင်းဌာန INA ကို ပြောပါတယ်။

.

.

အဲဒီအာဏာပိုင်အဖွဲ့က အီရန်နဲ့ နယ်စပ်ဖြတ်သန်းတဲ့ မန်ဒလီဂိတ်ကိုတော့ နည်းပညာပိုင်းဆိုင်ရာ လိုအပ်ချက်တွေ ပြီးစီးဖို့အတွက် သောကြာနေ့ကစပြီး ယာယီပိတ်ထားမယ်လို့ INA က ဖော်ပြပါတယ်။

.

ဒီအခြေအနေတွေဟာ အီရတ်နိုင်ငံခြားရေးဝန်ကြီး ဖွအဒ် ဟူစိန်က အမေရိကန်ဘဏ္ဍာရေးဝန်ကြီးဌာန အနေနဲ့ အီရန်နဲ့ နယ်စပ်ဂိတ် ၂ ခုကလွဲပြီး ကျန်ဂိတ်အားလုံးကို ပိတ်ဖို့ ဘဂ္ဂဒက်ကို တောင်းဆိုထား တယ်လို့ ပြောပြီးနောက် ဖြစ်လာ တာပါ။ ဒါဟာ အီရန်အပေါ် စီးပွားရေးဖိအား တိုးမြှင့်ဖို့ အမေရိကန်ရဲ့ ကြိုးပမ်းမှုတစ်စိတ်တစ်ပိုင်း ဖြစ်ပါတယ်။

.

ဟူစိန်က အီရန်နဲ့ တရားဝင်ရော တရားမဝင်ရော နယ်စပ်ဂိတ်တွေ အများကြီးရှိတာကြောင့် အားလုံး ပိတ်ဖို့ဆိုတာ ခက်ခဲပြီး အီရတ်စီးပွားရေးကိုလည်း ထိခိုက်နိုင်တယ်လို့ အယ်လ်ဂျာဇီးယားကို ပြောပါတယ်။ အမေရိကန်ဘက်က နယ်စပ်ဂိတ်တွေ ပိတ်ဖို့ ဆက်လက်တောင်းဆိုနေပြီး အခုလက်ရှိမှာ အမေရိကန်နဲ့ ဆွေးနွေးနေတယ်လို့လည်း ပြောပါတယ်။

.

အီရတ်ဟာ မှောင်ခိုကုန်သွယ်မှုကို တားဆီးဖို့ လုံခြုံရေးအခြေအနေတွေ ပြန်လည်စစ်ဆေးပြီး စစ်ဆေးရေးကိရိယာတွေ တပ်ဆင်ဖို့အတွက် ရှီးဘ်နယ်စပ်ဂိတ်ကို ပြီးခဲ့တဲ့လက ပိတ်ထားခဲ့တာပါ။

.

ဒါပေမယ့် ရှီးဘ်ဂိတ် ပြန်ဖွင့်တာနဲ့ မန်ဒလီဂိတ် ယာယီပိတ်တာဟာ အမေရိကန်ရဲ့ တောင်းဆိုချက်နဲ့ ဆက်စပ်မှုရှိ၊ မရှိတော့ လက်ရှိအချိန်အထိ ရှင်းရှင်းလင်းလင်း မသိရသေးပါဘူး။

.

Ref – Reuters

.