ယမန်နေ့ ဧပြီလ
၁၃ ရက်၊ သင်္ကြန်အကြိုနေ့တွင် တောင်ကြီးမြို့၌ မတော်တဆမှု လူနာ ၄ ဦး ရှိခဲ့ပြီး လူနာများ
အားလုံး စိုးရိမ်ရခြင်း မရှိကြောင်း သိရသည်။
.
“ ၄ ယောက်
ရှိတယ်။ အန္တရာယ်တော့ မရှိပါဘူး၊ မစိုးရိမ်ရပါဘူး။ ဆေးရုံရဲ့ ပုံမှန်လုပ်ငန်းတွေ လည်ပတ်နေသလို
သင်္ကြန်ကာလ ၄ ရက်အတွက်လည်း အရေးပေါ်အတွက်ရော အားလုံး စီစဉ်ထားပါတယ်။”ဟု တောင်ကြီးမြို့၊
စဝ်စံထွန်းဆေးရုံမှ တာဝန်ရှိသူ တစ်ဦးက ပြောသည်။
.
ထို့အပြင်
ခွဲစိတ်ခန်းများ ဆောင်ရွက်ရန် လိုအပ်ပါကလည်း ၂၄ နာရီ အသင့် ကြိုတင်စီစဉ်ထားကြောင်း ၎င်းက ရှင်းပြသည်။
.
တောင်ကြီးမြို့၌
ယမန်နေ့က ယာဉ်တိမ်းမှောက်သည့် ဖြစ်စဉ်အချို့ ရှိသော်လည်း အများစုမှာ ထိခိုက်ဒဏ်ရာ ရရှိမှု
အနည်းငယ်သာ ဖြစ်ပေါ်ခဲ့ပြီး ယင်းတို့အနက် ၄ ဦးမှာ ဆေးရုံသို့ မစိုးရိမ်ရသည့် လူနာအဖြစ်
ရောက်ရှိခဲ့ကြောင်း သိရသည်။
.
မြန်မာ့ယဉ်ကျေးမှုဓလေ့နှင့်
ကိုက်ညီမှု မရှိသော ဝတ်စားဆင်ယင်မှုများ၊ ကြမ်းတမ်းစွာ ရေကစားမှုများ၊ မူးယစ်သောက်စား
ရမ်းကားမှုများ၊ ယာဉ်မတော်တဆမှု ဖြစ်ပွားမှုများ မရှိရအောင် မြန်မာ့ရိုးရာ ယာဉ်ကျေးမှုဓလေ့ကို
ထိန်းသိမ်းစောင့်ရှောက်သွားရန် ရှမ်းပြည်နယ်ဝန်ကြီးချုပ် စိုးထိန်စိုးက ဗဟိုမဏ္ဍပ်ဖွင့်ပွဲ
မိန့်ခွန်းတွင် တိုက်တွန်း ပြောဆိုထားသည်။
.
No comments:
Post a Comment