ရှမ်းပြည်နယ်မြောက်ပိုင်း၊
လားရှိုးမြို့၊ ရပ်ကွက်(၂)ရှိ လွတ်လပ်ရေးပန်းခြံ အတွင်း၌ ပြုလုပ်ထားသည့် သင်္ကြန်ပွဲတော်
ဗဟိုမဏ္ဍပ်သို့ ဝင်ရောက် ကြည့်ရှုသူများကို အခကြေးငွေ ကောက်ခံနေသဖြင့် ပြည်သူများ၏
ဝေဖန်မှုများ ထွက်ပေါ်နေလျက် ရှိသည်။
.
“နေ့ပိုင်းတော့
ကောက်တာ မတွေ့ရဘူး၊ ညပိုင်းတော့ ကောက်တယ်။ ညပိုင်း ကောက်တာက အစပိုင်း တစ်ဦးကို ၁၀၀၀၀
ကျပ် ကောက်တယ်၊ နောက်ပိုင်း လူထုက ဝေဖန်နေကြလို့လားတော့ မသိဘူး၊ ၂၀၀၀ (ကျပ်) ဖြစ်သွားတယ်။
ကနဦး ဝင်ထားတဲ့သူတွေကတော့ ငွေ ပြန် မရတော့ဘူးပေါ။”ဟု လားရှိုးမြို့ခံ တစ်ဦးက ပြောသည်။
.
အဆိုပါ လားရှိုးသင်္ကြန်
ဗဟိုမဏ္ဍပ် တည်ရှိရာ လွတ်လပ်ရေးပန်းခြံ အတွင်းသို့ ဝင်ရောက်သူများကို ငွေကြေး ကောက်ခံမှုအပေါ်
လားရှိုးဒေသခံများကလည်း လူမှုကွန်ရက်တွင် ဝေဖန်ရေးသားမှုများ ရှိနေသည်။
.
လားရှိုးမြို့နယ်
စည်ပင်သာယာရေးဌာနသို့ ဆက်သွယ် မေးမြန်းရာတွင်မူ “ မဟုတ်ပါဘူး။ လူတွေကလည်း ပိုက်ဆံ ၁၀
သိန်းလောက်ပေးပြီး ဆိုတဲ့ ဝိုင်းတွေကြတော့ အသံက မထွက်ဘူး၊ ဒီမှာကြ ဟိုတင် ဒီတင်နဲ့
လိုက်အော်နေကြတာရော။ မဟုတ်ဘူး၊ သွားကြည့်၊ လာကြည့်ဗျာ။ ကောက်လား၊ မကောက်လားဆိုတာကို။
မကောက်ဘူးလို့၊ လူတွေက အယုံလွယ်ကြတာရော။ တစ်ယောက် အော်လိုက်တာနဲ့ လိုက် ဖျက်ဆီးနေကြတယ်။”ဟု
ပြောဆိုသည်။
.
လားရှိုးမြို့၌ ဗဟိုမဏ္ဍပ်အပြင် ရပ်ကွက်(၉)တွင် ဝင်ကြေး ရယူ၍ ပြုလုပ်သည့် ပုဂ္ဂလိကမဏ္ဍပ် တစ်ခု တည်ရှိကြောင်း
သိရသည်။
.
No comments:
Post a Comment