ရှမ်းပြည်နယ်မြို့တော် တောင်ကြီးမြို့၌ ယနေ့ ဧပြီလ ၂၀ ရက်၊ နံနက်ပိုင်းတွင် စုံ/မ စနစ်အား မလိုက်နာသည့် မော်တော်ယာဉ်များကို ဖမ်းဆီး အရေးယူနေလျက် ရှိကြောင်း သိရသည်။
.
“ စုံ/မစနစ်
မလိုက်နာဘူးဆိုရင် ယာဉ်မောင်းလိုင်စင်၊ ဒါမှမဟုတ် ယာဉ်သက်သေခံလက်မှတ်ကို သိမ်းတယ်။
သိမ်းပြီးတော့ ချလန်ပေးတယ်။ ပြီးတော့ တောင်ကြီးမြို့နယ်တရားရုံးမှာ တရားစွဲတင်ပို့တယ်။
တရားရုံးက ဒဏ်ငွေရိုက်တယ်၊ အဲဒီကြရင် သိမ်းထားတဲ့ဟာကို ပြန်ထုတ်ပေးပါတယ်။ ဒီနေ့ စစ်တာကတော့
ကားကို အဓိက စစ်ပါတယ်။” ဟု တာဝန်ရှိသူ တစ်ဦးက ပြောသည်။
.
ဖမ်းဆီးရာတွင်
ယာဉ်ထိန်းတပ်ဖွဲ့ဝင်များအပြင် အခြားဌာနများ ပါဝင်သော ပူးပေါင်း အဖွဲ့ဖြင့် စစ်ဆေးခြင်း
ဖြစ်ပြီး ယနေ့ ဖမ်းဆီးအရေးယူသည့် အရေအတွက်မှာ ၂၇ မှု ဖြစ်ပြီး လိုင်စင်မဲ့ယာဉ် ဖြစ်ကြောင်း
စစ်ဆေးတွေ့ရှိပါက ဥပဒေအရ အရေးယူသည်ဟုလည်း ၎င်းထံက သိရသည်။
.
ယင်းကဲ့သို့
စုံ/မစနစ်နှင့် ပတ်သက်၍ စစ်ဆေး အရေးယူနေမှုအပေါ် ပြည်သူများ၏ ပြင်းထန်စွာ ဝေဖန်မှုများ
ထွက်ပေါ်နေလျက် ရှိသည်။
.
No comments:
Post a Comment