.
၂၀၂၆ ခုနှစ်၊ ဧပြီလ ၁၁ ရက်
.
ရှမ်းပြည်နယ်တောင်ပိုင်း၊ ကလောမြို့တွင် ယနေ့ ဧပြီလ
၁၁ ရက်၊ နေ့လယ်ပိုင်းက WY စာတမ်းပါ စိတ်ကြွ ရူးသွပ်ဆေးပြား
၅၀ ပြားအား သယ်ဆောင်လာသူနှင့်အတူ ဖမ်းဆီးရမိခဲ့ကြောင်း သိရသည်။
.
.
ကလောမြို့မရဲစခန်းမှ တပ်ဖွဲ့ဝင်များသည် ယနေ့ ဧပြီလ
၁၁ ရက်၊ မွန်းလွဲ ၁ နာရီခွဲခန့်က လှည့်ကင်း တာဝန် ဆောင်ရွက်နေစဉ် ကလောမြို့၊ အမှတ်
(၆) ရပ်ကွက်၊ Nature Land Hotel အနီး ဇောတိကလမ်း အရောက် တွင်
ခြေလျင်လမ်းလျှောက်လာသူ လွမ်းဝေစိုး (ခ)ငလုံး ဆိုသူအား စစ်ဆေးရာ ၎င်း ဝတ်ဆင် ထားသော
Supreme စာတမ်းပါ နီညိုရောင်ဂျင်းအင်္ကျီ၏ ဝဲဘက်အတွင်း
အိတ်ကပ်ထဲမှ Red & Blue ဆေးလိပ်ဘူးခွံ အတွင်း
ပလပ်စတစ်အကြည်ဖြင့် ထည့်ထားသည့် WY စာတမ်းပါ
ပန်းရောင်စိတ်ကြွရူးသွပ် ဆေးပြား ၅၀ ပြား၊ အလေးချိ ၄ ဒသမ ၅ ဂရမ်ခန့်အား တွေ့ရှိသိမ်းဆည်းရမိခဲ့ခြင်းဖြစ်ကြောင်း
သိရသည်။
.
အဆိုပါ မူးယစ်ဆေးဝါးများအား ရောင်းချ သုံးစွဲရန်
အလို့ငှာ လက်ဝယ်တွေ့ရှိသူ လွမ်းဝေစိုး(ခ)ငလုံး အား ကလောမြို့မရဲစခန်းတွင် မူးယစ်ဆေးဝါးနှင့် စိတ်ကို ပြောင်းလဲစေသော
ဆေးဝါးများဆိုင်ရာဥပဒေအရ အမှုဖွင့်အရေးယူ ဆောင်ရွက်လျက်ရှိကြောင်း သိရသည်။
.
No comments:
Post a Comment