ရှမ်းပြည်နယ်မြို့တော် တောင်ကြီးမြို့၊ ပြည်နယ်အားကစားကွင်းမှာ ရှမ်းပြည်နယ်ဝန်ကြီးချုပ်ဖလား၊ ကိုယ်ပိုင်အုပ်ချုပ်ခွင့်ရဒေသများနဲ့ ခရိုင်များအလိုက် အသက် ၁၉ နှစ်အောက် အမျိုးသမီး ဘောလုံးပြိုင်ပွဲကို ဒီနေ့ မေလ ၃၀ ရက်က စတင်ပြီး ပြုလုပ်နေတာ ဖြစ်ပါတယ်။
.
ပြိုင်ပွဲရဲ့
အဖွင့်ပွဲစဉ်အဖြစ် ဓနုကိုယ်ပိုင်အုပ်ချုပ်ခွင့်ရ ဒေသအသင်း နဲ့ လင်းခေးခရိုင်အသင်းတို့ ကစားခဲ့ကြပြီးတော့ ပြိုင်ပွဲကို
မေလ ၃၀ ရက်ကနေ ဇွန်လ ၆ ရက်နေ့အထိ ကျင်းပမှာ
ဖြစ်တယ်လို့ ရှမ်းပြည်နယ်ဘောလုံးအဖွဲ့ချုပ်က ကြောညာထားပါတယ်။
.
ဖွင့်ပွဲအခမ်းအနားကိုလည်း ပြည်နယ်ကွင်းမှာပဲ ပြုလုပ်ခဲ့တာ ဖြစ်ပြီး ရှမ်းပြည်နယ်အစိုးရအဖွဲ့ ပြည်နယ်ဝန်ကြီးချုပ် စိုင်းထိန်စိုး၊ ပြည်နယ်တရားသူကြီးချုပ်နဲ့ ပြည်နယ်ဝန်ကြီးတွေ၊ ဖိတ်ကြားထားသူတွေနဲ့ ပြိုင်ပွဲဝင်အသင်းတွေ တက်ရောက်ခဲ့ကြပါတယ်။
.
ဒီပြိုင်ပွဲကို အသင်းပေါင်း ၉ သင်းက အုပ်စုပတ်လည်စနစ်နဲ့ ပါဝင်ယှဉ်ပြိုင်နေကြတာ ဖြစ်ပြီးတော့ ဘောလုံးဝါသနာရှင်တွေ အနေနဲ့ အခမဲ့ လာရောက်ကြည့်ရှုနိုင်တယ်လို့လည်း ရှမ်းပြည်နယ်ဘောလုံးအဖွဲ့ချုပ်က နှိုးဆော်ထားပါတယ်။
.
Source/Photo
– SSFA
.
#KBZTai
#Shan #Football #Women
No comments:
Post a Comment