တိုင်းနှင့်ပြည်နယ် ယူ (၁၈) ဆီမီးဖိုင်နယ်ပွဲအဖြစ် ရှမ်းနှင့်ကချင် ယနေ့ကစားမည်

.

၂၀၂၆ ခုနှစ်၊ မေလ ၃၁ ရက်

.

၂၀၂၆ ခုနှစ်၊ တိုင်းဒေသကြီးနှင့်ပြည်နယ် ယူ (၁၈) အမျိုးသားဘောလုံးပြိုင်ပွဲ၊ ဆီမီးဖိုင်နယ်ပွဲစဉ်အဖြစ် ရှမ်းပြည်နယ်အသင်းနှင့် ကချင်ပြည်နယ်အသင်းတို့ ယနေ့ ညနေ ၃ နာရီတွင် ယှဉ်ပြိင်ကစားကြမည် ဖြစ်ကြောင်း သိရသည်။

.

.

ရှမ်းပြည်နယ် ယူ (၁၈) အသင်းသည် ကွာတားဖိုင်နယ်အဆင့် ပွဲစဉ်၌ ရန်ကုန်တိုင်းအသင်းကို ၃-၂ ဂိုးနှင့် အနိုင်ရရှိခဲ့ပြီး ဆီမီးဖိုင်နယ်အဆင့်သို့ တက်ရောက်လာခဲ့ခြင်းဖြစ်သည်။

.

အခြားတစ်ဖက်တွင်လည်း ဧရာဝတီတိုင်းအသင်းနှင့် ကရင်ပြည်နယ်အသင်းတို့က ဆီမီးဖိုင်နယ်ပွဲစဉ်ကို ကစားကြရမည်ဖြစ်ပြီး အနိုင်ရရှိသူများက ဗိုလ်လုပွဲအဖြစ် ကစားကြရမည်ဖြစ်သည်။

.

ရှမ်းပြည်နယ်နှင့် ကချင်ပြည်နယ်အသင်းတို့၏ ပွဲစဉ်ကို ရန်ကုန်မြို့၊ ပဒေသာကွင်းတွင် ယနေ့ မေလ ၃၁ ရက်၊ ညနေ ၃ နာရီအချိန်၌ ကစားကြမည်ဖြစ်ပြီး လာရောက်မကြည့်ရှုနိုင်သူများအနေဖြင့် Pyone Play Sports Youtube မှ တိုက်ရိုက်ထုတ်လွှင့်ပြသမည်ဖြစ်ကြောင်း ကြေညာထားသည်။

.