မြန်မာနိုင်ငံလုံးဆိုင်ရာ သုတစုံလင်ဗုဒ္ဓဝင် ဖြေဆိုပူဇော်ပွဲ (အလယ်တန်းအဆင့်) ၌ ရှမ်းပြည်နယ် ကိုယ်စားပြုအဖြစ် ဝင်ရောက် ယှဉ်ပြိုင်ပြီး ပထမဆု ရရှိခဲ့သည့် တောင်ကြီးမြို့၊ အေးမြကရုဏာဓမ္မစကူးလ်မှ သမီးငယ်လေး မအိမ့်ချစ်သူအား စည်ကားသိုက်မြိုက်စွာ ဂုဏ်ပြုကြိုဆိုနိုင်ရေး ဆောင်ရွက်နေလျက် ရှိကြောင်း သိရသည်။
.
“ ကျောင်းသူ/သားတွေရော
ကြိုဆိုလို့ရအောင် ကျောင်းပိတ်တဲ့ လာမယ့် စနေနေ့ (ဇွန်လ ၆ ရက်)မှာ ကြိုဆိုပွဲ ပြုလုပ်ဖို့
စီစဉ်ထားပါတယ်။ အစီအစဉ် အသေးစိတ်ကိုတော့ ဆွေးနွေးနေကြဆဲ ဖြစ်ပါတယ်။” ဟု ရှမ်းတောင်
မြို့နယ်ပေါင်းစုံ ဓမ္မစကူးလ်ကော်မတီ ဥက္ကဌ ဦးစံလင်း က ပြောသည်။
.
တောင်ကြီးမြို့၊
မင်းကျောင်းပရိယတ္တိစာသင်တိုက်ရှိ ခန်းမဆောင်၌ ယမန်နေ့ မေလ ၂၉
ရက်ကလည်း ဂုဏ်ပြုကြိုဆိုပွဲအတွက် ကြိုတင်ဆွေးနွေးမှုများ ပြုလုပ်ခဲ့ပြီး ယင်း ဆွေးနွေးပွဲသို့
ရှမ်းပြည်နယ် သာသနာရေးမှူးရုံးမှ လက်ထောက်ညွှန်မှူး အပါအဝင် ဘာသာရေးအသင်းအဖွဲ့များ၊ ပရဟိတအသင်းများ၊ ဓမ္မစကူးလ်အသင်းများမှ
အဖွဲ့ဝင်များ တက်ရောက်ကြပြီး ဂုဏ်ပြုကြိုဆိုပွဲအတွက်
လုပ်ငန်းကော်မတီများ ဖွဲစည်းကာ ဥက္ကဋ္ဌအဖြစ် ဦးစံလင်းအား
ရွေးချယ်ခဲ့ကြောင်း သိရသည်။
.
“ အထူး
ပြောစရာ မလိုလောက်အောင် တစ်နိုင်ငံလုံးက သောင်းသောင်းဖျဖျ ဂုဏ်ပြု ကျေနပ်နေကြပါတယ်။
ရှမ်းတောင်ဓမ္မစကူးလ်က ပေါ်ပေါက်လာတာ ဖြစ်တဲ့အတွက် သူများထက်
ပိုပြီးတော့ ပီတိ ဖြစ်ရတာပေါ့။ ကိုယ့် ဓမ္မစကူးလ် ကပါ ဖြစ်နေတဲ့အတွက်
ပိုပြီးတော့ ဝမ်းမြောက်မိပါတယ်။” ဟု ဦးစံလင်း က ဆိုသည်။
.
အဆိုပါ ပြည်နယ်ဂုဏ်ဆောင်နိုင်ခဲ့သည့် သမီးလေး မအိမ့်ချစ်သူအား ဂုဏ်ပြုနိုင်ရေးအတွက်
ပါဝင် လှူဒါန်းလိုသူများ အနေဖြင့် ဦးစံလင်း (၀၉၅၁၁၈၄၄၅) နှင့် ရှမ်းတောင်ပရဟိတ ညီနောင်များကွန်ရက်
(၀၉ ၄၄၈၅၅၁၂၃၁ သို့ ဆက်သွယ်လှူဒါန်းနိုင်ကြောင်း သိရသည်။
.
#KBZTai #Shan #Taunggyi
No comments:
Post a Comment