ကချင်ကို ဂိုးပြတ် နိုင်ပြီး ရှမ်းလူငယ်အသင်း ဗိုလ်လုပွဲ တက်

ပဒေသာအားကစားကွင်းမှာ ဒီနေ့ ပြုလုပ်ခဲ့တဲ့ ၂၀၂၆ ခုနှစ်ရဲ့ တိုင်းဒေသကြီးနဲ့ ပြည်နယ် ယူ(၁၈) အမျိုးသား ဘောလုံးပြိုင်ပွဲ၊ ဆီမီးဖိုင်နယ်ပွဲစဉ်မှာတော့ ရှမ်းပြည်နယ်အသင်းက ကချင်အသင်းကို ၄-၁ နဲ့ အနိုင်ရပြီး ဗိုလ်လုပွဲအဆင့်ဆီ တက်လှမ်းသွားခဲ့ပါတယ်။

.
ဒီပွဲက ပြိုင်ပွဲရဲ့ အကောင်းဆုံးအသင်း ၂ သင်း‌ တွေ့တဲ့ပွဲလို့ ပရိသတ်တွေက မှတ်ချက် ပေးထားကြတာ ဖြစ်ပြီး ဒီပွဲမှာ နိုင်တဲ့အသင်းက ချန်ပီယံဖြစ်မှာပဲဆိုတဲ့ သုံးသပ်မှုတွေလည်း ရှိနေပြီးသားပါ။
.

ဒါပေမယ့် ပွဲစချိန်မှာတော့ ရှမ်းအသင်းရဲ့ ကစားအားကို ကချင်ဖက်က လုံးဝမ ယှဉ်နိုင်ခဲ့ဘဲ ပွဲချိန်ကြာလေလေ အရေးနိမ့်လေ ဖြစ်ခဲ့ရတာပါ။
.
ပထမပိုင်း ပွဲအစ ၃ မိနစ်ကတည်းက ရှမ်းအသင်းက ဦးဆောင်ဂိုး ရခဲ့တာ ဖြစ်ပြီး ပွဲချိန် ၁၁ မိနစ်မှာ ကချင်အသင်းက ချေပဂိုး ပြန်သွင်းခဲ့တာပါ။ ရှမ်းအသင်းရဲ့လျင်မြန်တဲ့ တိုက်စစ်ကို ကချင်ဖက်က ထိန်းဖို့ ခက်နေခဲ့ပြီး ပွဲချိန် ပထမပိုင်းကိုတော့ တစ်ဂိုးစီ သရေနဲ့ အဆုံးသတ်ခဲ့ရတာပါ။
.
ဒုတိယပိုင်းမှာတော့ ရှမ်းအသင်းက ကစားအား ပို တက်လာပြီး ရရှိတဲ့ အခွင့်အရေးတွေကို အသုံးချနိုင်ခဲ့တာကြောင့် ၃ ဂိုးထပ်သွင်းနိုင်ခဲ့လို ပွဲအပြီးမှာ ၄-၁ နဲ့ အနိုင် ရရှိသွားခဲ့တာ ဖြစ်ပါတယ်။
.
“ကျွန်တော်တို့က ဗိုလ်လုပွဲမှာလည်း နိုင်ဖို့ ယုံကြည်ချက် အပြည့် ရှိပြီးသားပါ။ ရှမ်းပြည်အတွက် ဆုဖလားကို သေချာပေါက် သယ်လာပေးပါ့မယ်” လို့ ရှမ်းပြည်နယ်ဘောလုံးအဖွဲချုပ်ရဲ့ ပြန်ကြားရေးတာဝန်ခံ ကိုမင်းကို က ဆိုပါတယ်။
.

ဗိုလ်လုပွဲကို တက်လှမ်းနိုင်ခဲ့တဲ့ ရှမ်းပြည်နယ်အသင်းကို ရှမ်းပြည်နယ်ဘောလုံးအဖွဲ့ချုပ် ဥက္ကဌနဲ့ ဒုဥက္ကဌတို့က ငွေကျပ် သိန်း ၃၀ ဂုဏ်ပြုချီးမြင့် ပေးအပ်ခဲ့တာကိုလည်း တွေ့မြင်ရပါတယ်။

.

အခြား ဆီမီးဖိုင်နယ်ပွဲစဉ် တစ်ပွဲ ဖြစ်တဲ့ ကရင်ပြည်နယ်နဲ့ ဧရာဝတီအသင်းတိုရဲ့ ပွဲစဉ်မှာတော့ ကရင်ပြည်နယ်အသင်းက ဧရာဝတီအသင်းကို ၄-၁ နဲ့ နိုင်သွားခဲ့လို ဗိုလ်လုပွဲမှာ ရှမ်းပြည်နယ်နဲ့ ကရင်ပြည်နယ်အသင်းတို့ တွေ့ကြရတော့မှာ ဖြစ်ပါတယ်။
.
ဗိုလ်လုပွဲစဉ်ကိုတော့ လာမယ့် ဇွန်လ ၂ ရက်၊ ညနေ ၄ နာရီအချိန်၊ ရန်ကုန်မြို ၊ သုဝဏ္ဏအားကစားကွင်းမှာ ယှဉ်ပြိုင်ကစားရမှာ ဖြစ်ပြီး Pyone Play Sports Youtube ကနေလည်း တိုက်ရိုက်ထုတ်လွှင့်သွားဖို့ ရှိနေပါတယ်။
.

#KBZTai #Shan #Football #U18