ဘင်္ဂလားပင်လယ်အော် အနောက်တောင်ပိုင်းတွင်
ဖြစ်ပေါ်နေသော လေဖိအားနည်း ရပ်ဝန်းသည် နောက် ၃၆ နာရီအတွင်း ပိုမို အားကောင်းလာနိုင်ကြောင်း
မိုးလေဝသနှင့် ဇလဗေဒညွှန်ကြားမှုဦးစီးဌာနက ယနေ့ မေလ ၁၃ ရက်၊ နံနက်ပိုင်းတွင် ထုတ်ပြန် ကြေညာထားသည်။
.
ယနေ့ မေလ ၁၃ ရက်၊ ညနေအထိ ခန့်မှန်းချက်
အနေဖြင့် ရှမ်းပြည်နယ် မြောက်ပိုင်း အပါအဝင် မန္တလေးတိုင်းဒေသကြီး၊
မကွေးတိုင်းဒေသကြီး၊ စစ်ကိုင်းတိုင်းဒေသကြီးနှင့်
ချင်းပြည်နယ် တို့တွင် နေရာကွက်ကျား၊ ရှမ်းပြည်နယ် အရှေ့ပိုင်းနှင့် ရခိုင်ပြည်နယ်တို့တွင်
နေရာစိပ်စိပ်၊ ကျန်တိုင်းဒေသကြီးနှင့်
ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး ရွာရန်ရာနှုန်းပြည့် ဖြစ်သည်ဟု
ထုတ်ပြန်ချက်တွင် ဖော်ပြပါရှိသည်။
.
ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်၊ မွန်ပြည်နယ်နှင့် ရခိုင်ပြည်နယ်တို့တွင် မိုးတိမ်တောင်များ ဖြစ်ထွန်းလျက်ရှိပြီး
အဆိုပါ မိုးတိမ်တောင်များရွေ့လျားရာ နေရာ တစ်လျှောက်တွင် မိုးရွာသွန်းခြင်းနှင့် အတူ
လေပြင်းတို က်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့်
မိုးသီးကြွေခြင်း စသည့် မိုးလေဝသဖြစ်စဉ်များ ဖြစ်ပေါ်နိုင်သဖြင့်
ကြိုတင်သတိပြုနိုင်ရန်ကိုလည်း အကြံပြုထားသည်။
No comments:
Post a Comment