.
၂၀၂၆ ခုနှစ်၊ မေလ ၁၅ ရက်
.
ပြင်သစ် လက်ရွေးစင်အသင်းအတွက် ကစား ပေးနေတဲ့
ဘောလုံးသမား တစ်ယောက်က ပြင်သစ်စကား မပြောတတ်ဘူးဆိုရင် ယုံရ ခက်ပါလိမ့်မယ်။
ဒါပေမယ့် ပြင်သစ်လက်ရွေးစင်အသင်းရဲ့ အဓိက တောင်ပံ ကစားသမား အိုလစ်ဆီ ကတော့
ပြင်သစ်စကား မပြောတတ်တာ အမှန်ပါ။
.
အိုလစ်ဆီ က အင်္ဂလန်နိုင်ငံသား ဖြစ်ပြီး
လန်ဒန်မှာ မွေးတဲ့သူပါ။ သူက အာဆင်နယ်၊ ချယ်လ်ဆီး၊ မန်စီးတီး စတဲ့ လူငယ်အသင်းတွေနဲ့
အတူ ဖြတ်သန်းခဲ့ဖူးပြီး ပဲလေ့စ် ကနေ ဘိုင်ယန်မြူးနစ်ဆီ ရောက်သွားတော့မှ အရမ်းကို
နာမည် ကြီးသွားခဲ့တာပါ။
.
အိုလစ်ဆီက အင်္ဂလန်မှာ မွေးတယ် ဆိုပေမယ့် သူ့ရဲ့
အဖေက နိုင်ဂျီးရီးယား နိုင်ငံသား ဖြစ်ပြီး အမေကတော့ ပြင်သစ်နဲ့ အယ်လ်ဂျီးရီးယန်း
သွေးစပ်တဲ့ သူပါ။ ဒါ့ကြောင့် သူက ပြင်သစ်၊ အယ်လ်ဂျီးရီးယား၊ အင်္ဂလန်နဲ့
နိုင်ဂျီးရီးယားတို့အတွက် ကစားပေးခွင့်ရှိပြီး ပြင်သစ်နိုင်ငံအတွက်
ကစားပေးဖို့ကိုပဲ ရွေးချယ်ခဲ့တာပါ။
.
“ကျွန်တော့် အနေနဲ့ ပြင်သစ်လက်ရွေးစင်အသင်းအတွက်
အမြဲကစားပေးဖို့ ဆန္ဒရှိနေခဲ့တာပါ၊ ဒါကြောင့်ပဲ ကျွန်တော် ကစားချင်တဲ့
နိုင်ငံအနေနဲ့ ပြင်သစ်ကို ရွေးခဲ့တာ ဖြစ်ပါတယ်၊ ဒါက ကျွန်တော်ကလေး ဘဝကတည်းက
ရှိနေတဲ့ ဆန္ဒပါ” လို့ အိုလစ်ဆီက ပြောဖူးပါတယ်။
.
ဒါပေမယ့် အိုလစ်ဆီက အင်္ဂလန်မှာ မွေးပြီး
အင်္ဂလန်မှာ ကြီးတာကြောင့် ပြင်သစ်စကား မပြောတတ်ပါဘူး။ ပြင်သစ်နိုင်ငံအတွက်
သွားပြီး ကစားပေးရတော့လည်း ပြင်သစ်တွေ ပြောနေတာကို သူ နားမလည်သလို။ ပြင်သစ်
လိုတတ်အောင်လည်း အခုထိ သင်ထားတာမျိုး မရှိပါဘူး။ ပရိသတ်တွေ မသိသေးတဲ့ အိုလစ်ဆီရဲ့
ထူးခြားချက် တစ်ခုပေါ့။
.
No comments:
Post a Comment