ဂျိုရှုဝါဗန်နဲ့ တိုင်ရာ ဘယ်သူနိုင်မလဲ?

နည်းစနစ်ပိုင်း သုံးသပ်ချက်

.

၂၀၂၆ ခုနှစ်၊ မေလ ၉ ရက်

.

မနက်ဖြန်မနက် ၉ နာရီလောက်ဆိုရင် ဗန်နဲ့ တိုင်ရာ တို့ရဲ့ပွဲကို မြန်မာပရိသတ်တွေ ကြည့်ရတော့မှာပါ။ မြန်မာပရိသတ်တွေကတော့ သေချာပေါက် ဗန် ကိုပဲ အားပေးမှာပါ။ ဒါပေမဲ့ တစ်ဖက်မှာလည်း တိုင်ရာက ဂျပန်နိုင်ငံရဲ့ အားအကောင်းဆုံး တိုက်ခိုက်ရေးသမားတွေထဲက တစ်ယောက်မို့ ဒီပွဲမှာ ဗန် နိုင်ဖို့ လွယ်ပါ့မလား။ ကျွန်တော့်ရဲ့ ဒီပွဲအပေါ်သုံးသပ်ချက်လေးတွေကို ပြန်လည်မျှဝေပေးလိုက်ပါတယ်။

.

◇ ဗန်ရဲ့ အားသာချက်

.

ဒီပွဲမှာ ဗန်ရဲ့ အားသာချက်က ဘောက်ဆင်ဖက်မှာ တိုင်ရာထက် ပိုကောင်းတာပါ။ ဗန်ရဲ့ အဓိက လက်နက် က သူ့ရဲ့လက်သီးတွဲလုံးတွေဖြစ်ပြီး လက်သီးချက်တိုင်းက အန္တရာယ်ရှိတဲ့သူပါ။ Pocket Exchange လို့ခေါ်တဲ့ ဖိုက်တာနှစ်ယောက် အနီးကပ်ထိုးရတဲ့ လက်သီးချက်ဖလှယ်မှုတွေမှာ ဗန်က အရမ်းအားသာ ပါတယ်။ အချီကြာလေလေ စွမ်းဆောင်ရည်ကောင်းလာလေလေ ဆိုတာက ဗန်ရဲ့အားသာချက် နောက်တစ်ခု ဖြစ်ပြီး ၅ ချီလောက်ကို ကောင်းကောင်းထိန်းထားနိုင်တဲ့ ပုံစံမျိုးပါ။ တချို့တွေက ကြာကြာထိုးရလေလေ ပင်ပန်းလာလေလေ ဆိုပေမဲ့ ဗန်ကတော့ အချိန်ကြာလာလေလေ သူ့ရဲ့အဖျက်စွမ်းအားက ပိုအလုပ်လုပ် လာလေ ဆိုတဲ့ပုံစံမျိုးပါ။ တိုင်ရာလို ချုပ်ကစားဖို့ အားသန်တဲ့ သူတွေအတွက် ဒါက ပြသနာတစ်ခုပါပဲ။

.

ဗန်ရဲ့နောက်ထပ်အားသာချက်တစ်ခုက လှဲချဖို့ ကြိုးစားခံရတာကို ကာကွယ်တဲ့ စွမ်းရည် မြင့်တက် လာတာပါ။ အစောပိုင်းပွဲတွေမှာ ခံစစ်အားနည်းတာတွေ ရှိခဲ့ပေမဲ့လည်း နောက်ပိုင်းမှာတော့ ဗန် ကို လွယ်လွယ်နဲ့ လှဲချလို့ မရတော့တာမျိုးကို မြင်လာကြရပါတယ်။

.

◇ ဗန်ရဲ့အားနည်းချက်

.

ဒီပွဲမှာ ဗန်ရဲ့အားနည်းချက်က ဘာလဲဆိုတော့ ကြံ့ခိုင်မှုပိုင်းအရမ်းအားကောင်းတဲ့ ကစားသမားမျိုး ဖြစ်မနေ တာပါပဲ။ တစ်ဖက်မှာ သူ့ရဲ့ပြိုင်ဖက် တိုင်ရာက ခြေတံလက်တံရှည်တယ်၊ ပိုတောင့်တယ်၊ Clinch Leverage လို့ခေါ်တဲ့ ခန္ဓာကိုယ်ကို အသုံးချပြီး ပြိုင်ဖက်ကို ထိန်းချုပ်နိုင်တဲ့ စွမ်းရည်ပိုကောင်းတာမို့ အဲဒီအပိုင်းမှာ ဗန်က ခက်နေမှာပါ။

.

ဒါ့အပြင် ဗန်က တိုက်စစ်အားသန်တဲ့ ကစားသမားမို့ အစောပိုင်းမှာ ပြိုင်ဖက်ရဲ့တိုက်ခိုက်မှုကို ခံရနိုင်ချေ လည်း ရှိပါသေးတယ်။

.

◇ တိုင်ရာ ရဲ့ အားသာချက်

.

တိုင်ရာရဲ့ အားအကောင်းဆုံး အစိတ်အပိုင်းက နေရာယူပြီး ပြိုင်ဖက်ကို ချုပ်တတ်တာပါ။ back take လို့ခေါ်တဲ့ ပြိုင်ဖက်ရဲ့နောက်ကျောဖက်ကနေ နေရာယူပြီး တိုက်တတ်တာ၊ ခန္ဓာကိုယ်ကို လိုသလိုပုံစံ ပြောင်းပြီး ချုပ်တတ်တာနဲ့ ပြိုင်ဖက်ကို လှဲချနိုင်ပြီဆိုတာနဲ့ အသာစီးရအောင် ကစားတတ်တာ စတာတွေက တိုင်ရာရဲ့အားသာချက်တွေပါပဲ။

.

ဒါ့အပြင် ပြီးခဲ့တဲ့ပွဲတွေမှာ ကြည့်ရသလောက်ဆို တိုင်ရာရဲ့ တိုက်ခိုက်ရေးဉာဏ်ရည်က မြင့်ပါတယ်။ သူ အထိုးခံရလို့ စိတ်ခံစားမှု မြင့်တက်လာတဲ့ ကစားသမားမျိုး မဟုတ်သလို အချိန်ကိုက်လှဲချနိုင်မှု၊ အန္တရာယ် ကင်းအောင် နေရာယူတတ်မှု၊ သူ့ရဲ့တိုက်ခိုက်မှုပုံစံကို ထိန်းထားနိုင်မှုတွေမှာလည်း တိုင်ရာက အားသာ ပါတယ်။

.

◇ တိုင်ရာရဲ့ အားနည်းချက်

.

ဒီပွဲမှာ တိုင်ရာရဲ့အားနည်းချက်ကို ပြောပါဆိုရင်တော့ သူ့ရဲ့တိုက်ခိုက်ရေးစွမ်းရည်က ဗန်ထက် နိမ့်တာပါပဲ။ တိုင်ရာက အနိုင်ရအောင်လုပ်နိုင်တဲ့ အချုပ်၊အလှဲတွေမှာ အားသာပေမယ့် ဗန်နဲ့ လက်သီးချင်း ယှဉ်ထိုးဟေ့ဆိုရင်တော့ ဘယ်လိုမှ သာမှာမဟုတ်ပါဘူး။

.

တိုင်ရာရဲ့အားသာချက်က ပြိုင်ဖက်ကိုချုပ်ပြီး အနိုင်ယူတဲ့ပုံစံဖြစ်တာမို့ အစောပိုင်းအချီတွေမှာသာ အနိုင်မယူနိုင်ရင် တဖြည်းဖြည်းအနိုင်ရဖို့ ခက်သွားမှာကလည်း အားနည်းချက်တွေထဲက တစ်ခု ဖြစ်လာပါတယ်။

.

◇ ဗန် ဘယ်လို နိုင်နိုင်လဲ

ဗန်အနေနဲ့ တိုင်ရာရဲ့အလှဲတွေ အချုပ်တွေကို အစောပိုင်းအချီတွေမှာ ရှောင်နိုင်မယ်၊ သူ့ရဲ့အားသာတဲ့ လက်သီးချက်တွေကို ထိထိရောက်ရောက် သုံးနိုင်မယ်ဆိုရင် ဗန် နိုင်မှာပါ။ ထိုးရတဲ့အချီ ကြာလာလေလေ၊ ဗန်က တိုင်ရာကို အလဲထိုးဖို့ အခွင့်အရေးများလေလေပါပဲ။

.

◇ တိုင်ရာ ဘယ်လို နိုင်နိုင်လဲ

.

တိုင်ရာအနေနဲ့ အစောပိုင်းပွဲချိန်တွေမှာ ဗန်ကို လှဲချနိုင်မယ်ဆိုရင် အနိုင်ရဖို့ အခွင့်အရေးမြင့်ပါတယ်။ တိုင်ရာရဲ့ အားအင်ပြည့်နေတဲ့အချိန်၊ သူ့ရဲ့ချုပ်ကွက်တွေနဲ့ မိသွားခဲ့ရင် ဗန်တစ်ယောက် နာလန်ထူဖို့ ခက်ပါလိမ့်မယ်။

.

◇ ဒီပွဲက ဘယ်သူက အနိုင်ရနိုင်ချေမြင့်လဲ

အလေးပေးမှုတွေမှာတော့ တိုင်ရာက ဗန်ထက် အနိုင်ရနိုင်ချေမြင့်တယ်လို့ အလေးပေးခံထားရတာပါ။ တိုင်ရာရဲ့ပွဲချိန်အတွင်း လျှင်မြန်မှုနဲ့ ပြိုင်ပွဲကို ထိန်းချုပ်နိုင်မှုက Elite Level လို့တောင် သုံးသပ်မှုတွေ ရှိထားပါတယ်။ ဒါပေမယ့် ဗန်ဆိုတာကလည်း လျော့တွက်လို့မရတဲ့ ဖိုက်တာမျိုးဆိုတော့ တိုင်ရာအနေနဲ့ အစောပိုင်းအချီတွေမှာသာ အပြတ်မဖြတ်နိုင်ရင် ဗန်ရဲ့အနိုင်ရနိုင်ချေကလည်း ပြန်လည်မြင့်တက်သွားမှာပါပဲ။ ရင်ခုန်ရမယ့် ပြိုင်ပွဲမျိုးပေါ့။

.