KBZ Foundation နှင့် မြန်မာစီးပွားရေးလုပ်ငန်းရှင် အမျိုးသမီးများ ကွန်ရက်တို့ ပူးပေါင်း၍ ကလော ညောင်ကုန်းပလောင် အလက စာကြည့်တိုက်အတွက် စာအုပ်နှင့် စားပွဲများ လှူဒါန်း

ရှမ်းပြည်နယ်တောင်ပိုင်း၊ ကလောမြို့နယ်၊ ရွှေမင်းဖုန်းကျေးရွာအုပ်စု၊ ညောင်ကုန်းကျေးရွာရှိ ညောင်ကုန်း ပလောင်ကျေးရွာ အလကကျောင်း စာကြည့်တိုက်အတွက် KBZ Foundation နှင့် မြန်မာစီးပွားရေး လုပ်ငန်းရှင် အမျိုးသမီးများကွန်ရက် (Myanmar Women Entrepreneurs Network - MYANWEN)တို့ ပူးပေါင်း၍ စာအုပ်နှင့် စားပွဲများ လှူဒါန်းပေးခဲ့ကြောင်း သိရသည်။

.

ညောင်ကုန်းကျေးရွာရှိ မူလတန်းကျောင်းသား/သူများနှင့် အများပြည်သူ ဖတ်ရှုနိုင်ရန် ရည်ရွယ်၍ KBZ Foundation နှင့် MYANWEN တို့က သုတ၊ ရသ စာအုပ်မျိုးစုံ ၃၄၄ အုပ်၊ စာကြည့်စားပွဲငယ် ၅ လုံး၊ ပျော့အိ မှီအုံး ၅ လုံးအပြင် ကျောင်းသား/သူများအတွက် စတီးဇလုံများအား ရှမ်းတောင်ပရဟိတညီနောင်များ ကွန်ရက်မှတစ်ဆင့် ယမန်နေ့ မေလ ၆ ရက်တွင် လှူဒါန်းပေးခဲ့ခြင်းဖြစ်ကြောင်း သိရသည်။

ကျေးလက်နှင့် အလှမ်းဝေးသောဒေသများရှိ ကလေးများအတွက် စာကြည့်တိုက်များသည် ပညာရေး အခွင့်အလမ်းများကို ပိုမိုကျယ်ပြန့်စေပြီး၊ စာအုပ်စာပေမှတစ်ဆင့် ဗဟုသုတ တိုးပွားလာစေကာ၊ ကလေး များ၏ အနာဂတ်ကို ပိုမိုတောက်ပစေ၍ လူမှုအသိုင်းအဝိုင်း တစ်ခုလုံး၏ ဖွံ့ဖြိုးတိုးတက်မှုကိုပါ အထောက် အကူ ပြုနိုင်ရန် ရည်ရွယ်၍ လှူဒါန်းခဲ့ခြင်း ဖြစ်ကြောင်း သိရသည်။

.

Photo - ရှမ်းတောင်ပရဟိညီနောင်များကွန်ရက်