ဝန်ထမ်း အမျိုးသမီးငယ်ကို သတ်ဖြတ်ခဲ့သည့် ပီတာဘားပိုင်ရှင် ရှမ်းရှေ့တွင် အဖမ်းခံ

ရှမ်းပြည်နယ် မြို့တော်၊ တောင်ကြီးမြို့ရှိ ဗိုလ်ချုပ်အောင်ဆန်းလမ်းပေါ်ရှိ Peter ဘားဆိုင်မှ မိန်းကလေးငယ်ကို ဦးနှောက် သွေးကြောပေါက် သေဆုံးသည်ထိ ညှင်းပန်းနှိပ်စက်၍ သတ်ဖြတ်ခဲ့သည့် ဆိုင်ပိုင်ရှင် အောင်မျိုးသူ (ခ) ပီတာ သည် ရှမ်းပြည်နယ် အရှေ့ပိုင်းတွင် ယနေ့ မေလ ၆ ရက်၊ ညနေပိုင်းတွင် အဖမ်းခံခဲ့ကြောင်း သိရသည်။

.

“ထွက်ပြေးတိမ်းရှောင်နေတဲ့ အောင်မျိုးသူ(ခ) ပီတာ ဟာ ပြစ်မှုကို နောင်တရပြီး တုံတာနယ်မြေရဲစခန်းမှာ လာရောက် အဖမ်းခံခဲ့ပါတယ်။” ဟု ကျိုင်းတုံမြို့မှ သတင်းရင်းမြစ် တစ်ဦးက ပြောသည်။

.

အောင်မျိုးသူ (ခ) ပီတာ သည် ကျိုင်းတုံခရိုင်၊ တုံတာမြို့၊ နယ်မြေရဲစခန်းတွင် ဖမ်းဆီးခံခဲ့ခြင်း ဖြစ်ပြီး လိုအပ်သည့် စစ်ဆေးမှုများ ပြုလုပ်ပြီးပါက ရှမ်းပြည်နယ် အရှေ့ပိုင်းမှ တောင်ကြီးမြို့ မြို့မရဲစခန်းသို့ လွှဲပြောင်း ခေါ်ဆောင်လာမည် ဖြစ်ကြောင်း သိရသည်။

.

Peter ဘားဆိုင်ပိုင်ရှင် အောင်မျိုးသူ (ခ) ပီတာ သည် မေလ ၄ ရက်၊ ညပိုင်းက သေဆုံးသူ အမျိုးသမီးငယ် အား စားသောက်ဆိုင်အတွင်း လာရောက်စားသောက်သည့် ဧည့်သည်မှ မုန့်ဖိုးပေးအပ်ခဲ့သည်ကို ၎င်းအား ပြောပြမှု မရှိခြင်းကြောင့် ဟုဆိုကာ ထိုးကြိတ်၊ ရိုက်နှက် ညှဉ်းပန်းခြင်းများ ပြုလုပ်ခဲ့ရာမှ အမျိုးသမီးငယ်မှာ ရရှိ ဒဏ်ရာများဖြင့် သေဆုံးသွားခဲ့ခြင်း ဖြစ်ကြောင်း သိရသည်။

ဆက်စပ်သတင်းများ -

https://url-shortener.me/LX3B

https://url-shortener.me/LVWN