ဟန်ဂေရီနိုင်ငံ Puskás Arena ကွင်းမှာ ကစားခဲ့တဲ့ ဥရောပ ဘောလုံးလောကရဲ့ အမြင့်ဆုံးကလပ်ပြိုင်ပွဲ ဖြစ်တဲ့ UEFA Champions League ဗိုလ်လုပွဲမှာ အာဆင်နယ်ကို ပင်နယ်တီနဲ့ အနိုင်ပိုင်းခဲ့တဲ့ PSG အသင်းကတော့ ၂ နှစ်ဆက် ချန်ပီယံ ဖြစ်သွားပါပြီ။
.
အာဆင်နယ်အသင်းအတွက်
ဦးဆောင်ဂိုးကို ပွဲချိန် ၆ မိနစ်မှာ ကိုင်ဟာဗက်ဇ် က သွင်းယူခဲ့ပြီးတော့
ပွဲချန် ၆၅ မိနစ်မှာ ဒမ်ဘီလီ ရဲ့ ပင်နယ်တီ သွင်းဂိုးနဲ့ PSG တို့
ချေပဂိုးကို ပြန်ယူခဲ့တာပါ။ ပွဲချိန် မိနစ် ၁၂၀ အတွင်း နှစ်သင်းစလုံး အခွင့်အရေးတွေ ရရှိခဲ့ကြပေမယ့် ၁-၁ သရေ ရလဒ်နဲ့ အနိုင် အရှုံး မပေါ်ခဲ့တာကြောင့် ပင်နယ်တီ အဆုံးအဖြတ် ကန်သွင်းကြရာမှာ PSG အသင်းက အနိုင်ရခဲ့တာ ဖြစ်ပါတယ်။
.
ပင်နယ်တီ
အဆုံးအဖြတ်မှာ အာဆင်နယ်အသင်းက ၂
လုံး လွဲချော်ခဲ့သလို PSG အသင်းကတော့
တစ်လုံးသာ လွဲချော်ခဲ့တာကြောင့် ၄-၃ ဂိုးနဲ့ PSG အသင်းက အနိုင်ရပြီး ချန်ပီယံ ဖြစ်လာခဲ့တာပါ။
.
PSG အသင်းဟာ ၂၀၂၅ ခုနှစ်မှာ ပထမဆုံး UEFA Champions League ဖလားကို ရရှိပြီးတဲ့နောက် အခုတစ်ကြိမ်
အောင်ပွဲကြောင့် ဒုတိယအကြိမ်မြောက် ဥရောပချန်ပီယံ ဖြစ်လာခဲ့တာကြောင့် ဥရောပ ဘောလုံးလောကရဲ့ ထိပ်တန်းအသင်း တစ်သင်းအဖြစ် သူတို့ရဲ့ ရပ်တည်မှုကို
ပိုမို ခိုင်မာစေခဲ့ပါတယ်။
.
အာဆင်နယ်ကတော့
နှစ် ၂၀ ကြာမှ ချန်ပီယံလိဂ် ဗိုလ်လုပွဲကို တက်နိုင်ခဲ့တာ ဖြစ်ပါတယ်။ နောက်ဆုံးထိ ကြိုးစားခဲ့ပေမယ့်လည်း ဒုတိယလူ
အဖြစ်နဲ့ပဲ အင်ဆင်နယ်တို့ ကျေနပ်ခဲ့ရပါပြီ။
.
#KBZTai
#Shan #ChampionsLeague #PSG #Arsenal
No comments:
Post a Comment