ညောင်ရွှေတွင် စိတ်ကြွရူးသွပ်ဆေးပြား ၅၈၀၀ ကျော် ဖမ်းမိ

ရှမ်းပြည်နယ်တောင်ပိုင်း၊ ညောင်ရွှေမြို့တွင် ယမန်နေ့ မေလ ၃၁ ရက်၊ နံနက်ပိုင်းက စိတ်ကြွ ရူးသွပ်ဆေးပြား ၅၈၀၀ ကျော် ဖမ်းဆီးရမိခဲ့ကြောင်း သိရသည်။

.
ညောင်ရွှေမြို့၊ သာစည်ရပ်ကွက်နေ ကျော်ကျော်ဦး (ခ) ကျော်ဦး ၏ နေအိမ်သို့ ရဲတပ်ဖွဲ့ဝင်များက ဝင်ရောက် ရှာဖွေစဉ် ၎င်းအား နေအိမ် အိပ်ယာပေါ်တွင် မူးယစ်ဆေးဝါး သုံးစွဲလျက် တွေ့ရှိရပြီး အိပ်ရာ ခေါင်းရင်း၌ WY စာတမ်းပါ ပန်းရောင်စိတ်ကြွ ရူးသွပ်ဆေးပြား ၅၈၀၀ ပြား၊ ဖန်ပုလင်းငယ် အတွင်း၌ စိတ်ကြွဆေးပြား ၅၀ ပြား၊ မူးယစ် ဆေးဝါး သုံးစွဲထားသော ငွေရောင်ခဲစက္ကူအပိုင်းအစ ၁ ခု၊ မူးယစ်ဆေးဝါးသုံး စွဲရာတွင် အသုံးပြုသည့် ကော်ဘူး ၁ ဘူးတို့အား သိမ်းဆည်းရမိခဲ့ခြင်း ဖြစ်ကြောင်း သိရသည်။
.
အဆိုပါ မူးယစ်ဆေးဝါးများအား သုံးစွဲ/ရောင်းချရန်အလို့ငှာ လက်ဝယ်ထားရှိသူ ကျော်ကျော်ဦး (ခ)ကျော်ဦး အား ညောင်ရွှေမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသေ ဆေးဝါးများ ဆိုင်ရာ ဥပဒေအရ အမှုဖွင့် အရေးယူထားကြောင်း သိရသည်။
.
#KBZTai #Shan #NyaungShwe #Drugs