လားရှိုးတွင် လက်ကိုင်ဖုန်း ခိုးယူသူ တစ်ဦးကို ဖမ်းမိ

ရှမ်းပြည်နယ်မြောက်ပိုင်း၊ လားရှိုးမြို့တွင် ယမန်နေ့ ဇွန်လ ၇ ရက်၊ နံနက်အစောပိုင်းက လက်ကိုင်ဖုန်း ခိုးယူလာသူတစ်ဦးကို ဖမ်းဆီးရမိခဲ့ကြောင်း သိရသည်။
.
လားရှိုးခရိုင်ရဲတပ်ဖွဲ့မှူးရုံး၊ မှုခင်းနှိမ်နင်းရေးဌာနစိတ်မှ ရဲတပ်ဖွဲ့ဝင်များ ပါဝင်သော ပူးပေါင်းအဖွဲ့သည် ယမန်နေ့ ဇွန်လ ၇ ရက်၊ နံနက် ၃ နာရီခန့်က လုံခြုံရေး လှဉ့်ကင်းဆောင်ရွက်နေစဉ် လားရှိုးမြို့၊ ရပ်ကွက် (၈)၊ သိန္နီလမ်းမပေါ်တွင် မသင်္ကာဖွယ် လမ်းလျှောက်လာသူ တစ်ဦးအား ရှာဖွေစစ်ဆေးရာမှ ဖမ်းမိခဲ့ခြင်းဖြစ်ကြောင်း သိရသည်။
.
စစ်ဆေးရာတွင် ယင်း အမျိုးသား၏ ဘေးလွယ်အိတ်အတွင်းမှ Redmin အမျိုးအစား ဖုန်း ၂ လုံးကို တွေ့ရှိသဖြင့် ဖုန်းလော့ဖြေခိုင်းရာ လျှို့ဝှက်နံပါတ်များကို မသိရှိဘဲ ဖုန်းများတွင် ဆင်းမ်ကတ် မပါရှိသည့်အပြင် ၎င်း ပိုင်ဆိုင်ကြောင်း ကျိုးကြောင်းခိုင်လုံစွာ မပြောနိုင်ဘဲ ခိုးယူလာသည်ဟု စစ်ဆေးပေါ်ပေါက်ခဲ့ခြင်း ဖြစ်ကြောင်း သိရသည်။
.
အဆိုပါ လက်ကိုင်ဖုန်းများ ခိုးယူလာသည်ဟု မသင်္ကာဖွယ် ပေါ်ပေါက်နေသူ မိုဘာဒတ် (ခ) ဘိုဘို အား လားရှိုးမြို့မရဲစခန်းတွင် ရာဇသတ်ကြီးပုဒ်မ ၃၈၀/ကျင့်-၅၄ ဖြင့် အမှုဖွင့်စစ်ဆေး ဆောင်ရွက်လျက်ရှိကြောင်း သိရသည်။
.
#KBZTai #Shan #Lashio #Crime