နမ့်ခမ်းပေါက်ကွဲမှုကြောင့် သေဆုံးသူ ၅၀ ဦးကျော်ထိ ရှိလာ

ရှမ်းပြည်နယ်မြောက်ပိုင်း၊ နမ့်ခမ်းမြို့နယ်၊ ကောင်းတပ်ကျေးရွာ၌ ယမန်နေ့ မေလ ၃၁ ရက် နေ့လယ်ပိုင်း က ဖြစ်ပွားခဲ့သည့် ပေါက်ကွဲမှုကြောင့် သေဆုံးသူဦးရေ ၅၀ ကျော်ထိ ရှိလာကြောင်း သိရသည်။

.

ပရဟိတအဖွဲ့များ၏ စာရင်းအရ သေဆုံးသူ စာရင်းတွင် ကလေး အပါအဝင် အမျိုးသား ၃၀ ဦး၊ အမျိုးသမီး ၂၅ ဦး၊ စုစုပေါင်း ၅၅ ဦးထိ ရှိနေကာ ဒဏ်ရာ ရရှိသူ ၈၀ ကျော် ရှိကြောင်း သိရသည်။

.

လက်ရှိတွင် ဒေသခံပြည်သူ အများအပြား သေဆုံး/ဒဏ်ရာ ရရှိခဲ့သော အဆိုပါ ပေါက်ကွဲမှုနှင့် ပတ်သက်၍ ဝေဖန်မှုများ မြင့်တက်နေလျက် ရှိကာ ပေါက်ကွဲမှု ဖြစ်ပွားရာ ဂိုဒေါင်သည် TNLA စီးပွားရေးဌာန၏ ကျောက်မိုင်းထုတ်လုပ်ရေး လုပ်ငန်းများတွင် အသုံးပြုရန် သိုလှောင်ထားသည့် ယမ်းအပျော့စားများ သိုလှောင်ရာနေရာ ဖြစ်ကြောင်းနှင့် ထိခိုက် ဆုံးရှုံးခဲ့ရသူများအတွက် ကူညီကယ်ဆယ်ရေး လုပ်ငန်းများ လုပ်ဆောင်နေသည်ဟု TNLA က ထုတ်ပြန်ထားသည်။

.

TNLA ခေါင်းဆောင်များ အနေဖြင့် ပေါက်ကွဲမှု ဖြစ်စဉ် အကြောင်းအရင်း အမှန်ကို အသေးစိတ် စုံစမ်း စစ်ဆေးပြီး တာဝန်ရှိသူများ၊ ပါဝင်ပတ်သက်သူများကို ဥပဒေနှင့် အညီ အရေးယူဆောင်ရွက်ရန်၊ ပြည်သူလူထု အန္တရာယ် ကင်းရှင်းရေးနှင့် လုံခြုံရေးအား အထူးဂရုပြုလုပ်ဆောင်ရန် တိုက်တွန်းကြောင်း TLC က ၎င်းတို့၏ ထုတ်ပြန်ချက်တွင် ဖော်ပြထားသည်ကို တွေ့ရသည်။

.

#KBZTai #Shan #Namhkam