နမ့်စန်တွင် မေတ္တာရှင် (အခမဲ့) နာရေးကူညီမှု တည်ထောင်ခြင်း နှစ် ၂၀ ပြည့် အထိမ်းအမှတ် ကျွတ်လွတ်ပွဲ ပြုလုပ်

ရှမ်းပြည်နယ်တောင်ပိုင်း၊ နမ့်စန်မြို့၌ မေတ္တာရှင်(အခမဲ့)နာရေးကူညီမှုအသင်း တည်ထောင်ခြင်း နှစ် ၂၀ ပြည့် အထိမ်းအမှတ်အဖြစ် ကျွတ်လွတ်ပွဲကို ယနေ့ ဇွန်လ ၆ ရက်၊ နံနက်ပိုင်းတွင် ပြုလုပ်ခဲ့ကြောင်း သိရသည်။

.

ကျွတ်လွတ်ပွဲအဖြစ် နမ့်စန်မြို့ရှိ ဘုန်းတော်ကြီးကျောင်း ၁၁ ကျောင်းမှ ကျောင်းထိုင်ဆရာတော် ၁၁ ပါးအား ပင့်ဖိတ်ကာ မြို့မသုဿန်ရှိ ဇရပ်တွင် တရားတော်နာယူရေစက်သွန်းချ အမျှပေးဝေ‌ကာ ပြုလုပ်ခြင်း ဖြစ်ကြောင်း သိရသည်။

.

“ နှစ် ၂၀ အတွင်း ပို့ဆောင်သင်္ဂြိုဟ်ပေးခဲ့တဲ့ နာရေးပေါင်း ၄၀၂၅ ဦးကို ရည်စူးပြီး ကျွတ်လွတ်ပွဲ ပြုလုပ်ခဲ့ပါတယ်။” ဟု တာဝန်ရှိသူ တစ်ဦးက ပြောသည်။

.

မေတ္တာရှင်(အခမဲ့)နာရေးကူညီမှုအသင်းကို ၂၀၀၆ ခုနှစ်၊ ဇွန်လ ၆ ရက်တွင် စတင် တည်ထောင်ခဲ့ခြင်း ဖြစ်ရာ ယနေ့တွင် အသင်းတည်ထောင်ခြင်း နှစ် ၂၀ ပြည့်မြောက်ပြီ ဖြစ်ကြောင်း သိရသည်။

.

#KBZTai #Shan #NamSang