ဒုတိယအိမ်ထောင်ပြုဖို့ စီစဉ်နေတဲ့အကြောင်း ဖွင့်ဟလိုက်တဲ့ ဆိုအင်ယောင်း

.

၂၀၂၆ ခုနှစ်၊ ဇွန်လ ၇ ရက်

.

တောင်ကိုရီးယားရဲ့ ဂီတလောကမှာ အယ်လီ ဆိုတဲ့နာမည်နဲ့ လူသိများတဲ့ သရုပ်ဆောင်၊ အဆိုတော် ဆိုအင်ယောင်းက ဒုတိယအကြိမ် အိမ်ထောင်ပြုဖို့ စဉ်းစားနေတဲ့အကြောင်း ဖွင့်ဟလိုက်ပါတယ်။

.

.

ဆိုအင်ယောင်းရဲ့ ကိုယ်စားလှယ်တစ်ယောက်က အင်ယောင်းဟာ အနုပညာကုမ္ပဏီတစ်ခုရဲ့ CEO ဖြစ်တဲ့ ချွဲဂျီဟွန်းနဲ့ စေ့စပ်ထားပြီဖြစ်တဲ့အကြောင်း ကြေညာခဲ့ပြီး ဂျိဟွန်းက ဆိုအင်ယောင်းထက် အသက် ၆ နှစ် ကြီးတဲ့ စီနီယာ ဖြစ်တယ်လို့ သိရပါတယ်။

.

လက်ရှိမှာ အသက် ၄၀ ရှိပြီဖြစ်တဲ့ ဆိုအင်ယောင်း ဟာ ၂၀၂၆ ခုနှစ် ၊ ဒုတိယနှစ်ဝက်ထဲမှာ မင်္ဂလာပွဲ ဆင်နွှဲသွားဖို့ ရှိနေပြီး လက်ထပ်ဖို့ စီစဉ်ထားတယ်လို့ ကိုယ်စားလှယ်ဖြစ်သူက ပြောထားတာပါ။

.

ဆိုအင်ယောင်း ဟာ ၂၀၂၃ ခုနှစ်မှာ နာမည်ကြီးမဟုတ်တဲ့ စီးပွားရေးလုပ်ငန်းရှင်တစ်ဦးနဲ့ လက်ထပ်ခဲ့ဖူးပြီး အိမ်ထောင်သက် တစ်နှစ်အကြာ ၂၀၂၄ ခုနှစ်မှာ ကွာရှင်းခဲ့ကြတာဖြစ်ပါတယ်။

.

ဆိုအင်ယောင်းက ပြီးခဲ့တဲ့ ရက်ပိုင်းထဲမှာပဲ သူမနဲ့စေ့စပ်ထားသူနဲ့ပတ်သက်ပြီး ပထမဆုံးတွေ့ဆုံခဲ့ပုံကို ပြောပြထားဖူးတာပါ။

.

“သူက ကျွန်မကြိုက်တဲ့ပုံစံမျိုးမဟုတ်ခဲ့ပါဘူး။ ဒါပေမဲ့ တစ်ရက်မှာ သူငယ်ချင်း ၄ ယောက် ၅ ယောက်နဲ့အတူ ရှိနေရင်း သူ့ကို အခုလာတွေ့လို့ရမလား လို့ မေးလိုက်မိတယ်။ အဲဒီလိုနေရာမျိုးကို လာဖို့ဆိုတာ တကယ် မလွယ်ဘူးလေ။ သူနဲ့ကျွန်မက နောက်နေ့မှာ တွေ့ကြဖို့ ချိန်းထားကြတာ။ ဒါပေမဲ့ သူ ရောက်လာခဲ့တယ်။ အခန်းထဲကို ဝင်လာတဲ့အချိန်မှာ ပြုံးပြီး အကြည့်မလွှဲခဲ့ဘူး။ အဲဒီအချက်ကို သဘောကျလို့ သူနဲ့တွဲဖြစ် သွားတာပါ” လို့ ဆိုအင်ယောင်းက ယူကျု့ချန်နယ်မှာ ပြောခဲ့ဖူးပါတယ်။

.

ဆိုအင်ယောင်းက လက်ရှိမှာ အသက် ၄၁ နှစ်အရွယ်ရှိပြီဖြစ်ပြီး အနုပညာလှုပ်ရှားမှု များစွာမှာ ပါဝင်နေသူတစ်ယောက်လည်း ဖြစ်ပါတယ်။

.

Source – KoreaBoo

.