စက်သုံးဆီဈေးနှုန်းများ အနည်းငယ်စီ ကျဆင်း

.

၂၀၂၆ ခုနှစ်၊ ဇွန်လ ၅ ရက်

.

စက်သုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက ယနေ့ ဇွန်လ ၅ ရက် ထုတ်ပြန်သည့် ရည်ညွှန်းလက်လီ ဈေးနှုန်းစာရင်းအရ စက်သုံးဆီဈေးနှုန်းများ အနည်းငယ်စီ ကျဆင်းလာ ကြောင်း သိရသည်။

.

.

တောင်ကြီးမြို့၏ စက်သုံးဆီရည်ညွှန်းဈေးတွင် အောက်တိန်း 92 တစ်လီတာလျှင် ၄၇၁၅ မှ ၄၅၁၀ ကျပ်သို့ လည်းကောင်း၊ 95 တစ်လီတာလျှင် ၄၇၉၀ မှ ၄၅၅၅ ကျပ်သို့လည်းကောင်း၊ ဒီဇယ် တစ်လီတာလျှင် ၄၇၅၀ မှ ၄၃၇၅ ကျပ်သို့လည်းကောင်း၊ ပရီမီယံ ဒီဇယ် တစ်လီတာလျှင် ၅၇၁၅ မှ ၅၂၈၀ ကျပ်သို့လည်းကောင်း အသီးသီး ပြန်လည်ကျဆင်းလာခြင်းဖြစ်သည်။

.

စက်သုံးဆီ ရည်ညွှန်းဈေးများကို အပတ်စဉ် သောကြာနေ့တိုင်း ပြောင်းလဲထုတ်ပြန်ပေးနေခြင်းဖြစ်ကြောင်း သိရသည်။

.

ယင်းကဲ့သို့ စက်သုံးဆီဈေးနှုန်းများ အနည်းငယ်စီ ကျဆင်းလာနေသော်လည်း စက်သုံးဆီဆိုင်ကြီးများတွင်မူ နံနက်ပိုင်း ခဏသာ ရောင်းချပေးသဖြင့် ဆီဝယ်ယူရန် ခက်ခဲနေကြောင်း သိရသည်။

.

ပြင်ပ မှောင်ခို ဈေးကွက်မှာမူ ဆက်လက် ရှိနေဆဲ ဖြစ်ကာ နေရာဒေသအပေါ် မူတည်၍ စက်သုံးဆီဈေးနှုန်း မှာ တစ်လီတာလျှင် ၇၀၀၀ ကျပ်မှ ၃၀၀၀၀ ကျပ် ဝန်းကျင်ထိ ရှိနေဆဲ ဖြစ်ကြောင်း သိရသည်။

.