ပူတင်နဲ့ မျက်နှာချင်းဆိုင် ဆွေးနွေးကြဖို့ ဇီလန်းစကီးက အိတ်ဖွင့်ပေးစာနဲ့ ကမ်းလှမ်း

.

၂၀၂၆ ခုနှစ်၊ ဇွန်လ ၅ ရက်

.

ယူကရိန်းသမ္မတ ဇီလန်းစကီးက စစ်ပွဲအဆုံးသတ်နိုင်ဖို့ ကြိုးပမ်းမှုအသစ် အနေနဲ့ ရုရှားသမ္မတ ပူတင်နဲ့ မျက်နှာချင်းဆိုင် ဆွေးနွေးခွင့်ရဖို့ တောင်းဆိုလိုက်ပါတယ်။

.

.

ရုရှားသမ္မတအတွက် ရည်ရွယ်တယ်ဆိုတဲ့ ဇီလန်းစကီးရဲ့ အိတ်ဖွင့်ပေးစာထဲမှာ အမေရိကန်ပြည်ထောင်စုရဲ့ ကြားဝင်လာမှုကို စောင့်ဆိုင်းနေဖို့မလိုဘဲ ယူကရိန်းနဲ့ ရုရှားအကြား တိုက်ရိုက် ဆွေးနွေးမှုတွေ ကသာ ငြိမ်းချမ်းရေးကို အကောင်အထည်ဖော်နိုင်မှာ ဖြစ်တယ်လို့ ဆိုထားတာပါ။

.

ဇီလန်းစကီးက ငြိမ်းချမ်းရေးဆွေးနွေးပွဲတွေ ကျင်းပနေတဲ့ ကာလတစ်လျှောက် အပစ်အခတ်ရပ်စဲရေးကို အပြည့်အဝပေးဖို့ တောင်းဆိုခဲ့ပြီး ပူတင်က ဒီတောင်းဆိုချက်ကို မနေ့က ပယ်ချသွားခဲ့ပါတယ်။

.

ဒေါ်နယ်ထရမ့်ကတော့ ဒီခေါင်းဆောင်နှစ်ဦး တွေ့ဆုံဆွေးနွေးမယ့်ကိစ္စဟာ ကောင်းမွန်တဲ့ကိစ္စတစ်ရပ်သာ ဖြစ်တဲ့အကြောင်း မှတ်ချက်ပေးထားခဲ့တာပါ။

.

ရုရှားသမ္မတရုံးကတော့ ဇီလန်းစကီးရဲ့ပေးစာကို လက်ခံရရှိထားကြောင်းနဲ့ ပူတင် ကို အသိပေးတင်ပြ သွားမယ့် အကြောင်း အတည်ပြုထားပါတယ်။ ဒါပေမဲ့ ပေးစာထဲမှာ စကားအသုံးအနှုန်းတွေက လှောင်ပြောင် တဲ့သဘောတွေ ပါဝင်နေပြီး ရုရှားနယ်မြေအတွင်း တိုက်ခိုက်ခဲ့မှုတွေကို ဇီလန်းစကီးက ရည်ညွှန်းရေးသား ထားတာတွေလည်း ရှိပါတယ်။

.

“အာဏာရလာတာ ၂၆ နှစ်ရှိပြီဖြစ်တဲ့ ပူတင်အတွက် ဇရာက စကားပြောနေပြီ” ဆိုတဲ့အသုံးအနှုန်းတွေက ဇီလန်းစကီးရဲ့ ပေးစာထဲမှာ ပါဝင်နေတာကိုလည်း တွေ့ရပါတယ်။

.

ဇီလန်းစကီးအနေနဲ့ ပူတင်ကို တွေ့ဆုံဆွေးနွေးခွင့်တောင်းတာက အနည်းဆုံး ၅ ကြိမ်အထိ ရှိပြီဖြစ်ပြီး ပူတင်ဖက်ကတော့ ဆွေးနွေးမှုတွေ ပြုလုပ်ချင်တယ်ဆိုရင် မော်စကို ကို လာနိုင်တဲ့အကြောင်း အမြဲတမ်း တုံ့ပြန်ခဲ့တာပါ။

.

ယူကရိန်းဖက်ကတော့ မျက်နှာချင်းဆိုင် တွေ့ဆုံဆွေးနွေးပွဲတွေကို ဆွစ်ဇာလန် ဒါမှမဟုတ် တူရကီ လို နိုင်ငံမျိုးမှာ တွေ့ဆုံကျင်းပနိုင်တယ်ဆိုတဲ့အကြောင်း အကြောင်းပြန်ထားခဲ့ပါတယ်။

.

Source – BBC

.