.
၂၀၂၆ ခုနှစ်၊ ဇွန်လ ၁၂ ရက်
.
တတိယအကြိမ် ရှမ်းပြည်နယ်လွှတ်တော်
ဒုတိယပုံမှန်အစည်းအဝေးများကို ဇွန်လ ၉ ရက်မှ ယနေ့ ဇွန်လ ၁၂ ရက်အထိ ၄ ရက်ကြာ
ကျင်းပပြုလုပ် ပြီးစီးခဲ့ကြောင်း သိရသည်။
.
ယနေ့ အစည်းအဝေး စတုတ္ထနေ့တွင်
လွှတ်တော်ကိုယ်စားလှယ် ၁၂ ဦးတို့က ကြယ်ပွင့်ပြမေးခွန်း ၁၇ ခု မေးမြန်းခြင်းနှင့်
သက်ဆိုင်ရာ ပြည်နယ်အဆင့် အဖွဲ့အစည်းဝင်ပုဂ္ဂိုလ်များက ပြန်လည် ဖြေကြားခြင်း၊
ပြည်နယ် စိုက်ပျိုးရေး၊ မွေးမြူရေးနှင့် ဆည်မြောင်းဆိုင်ရာ ကော်မတီ၊ သစ်တော၊
သတ္တု၊ သယံဇာတ၊ သဘာဝပတ်ဝန်းကျင်ထိန်းသိမ်းရေးနှင့် လျှပ်စစ်ရေးရာကော်မတီ တိုကို
အတည်ပြုဖွဲ့စည်းခြင်းများ ဆောင်ရွက်ခဲ့ကြောင်း သိရသည်။
.
လွှတ်တော်အစည်းအဝေး ၄ ရက်အတွင်း
လွှတ်တော်ကိုယ်စားလှယ် ၁၇ ဦးက ကြယ်ပွင့်ပြမေးခွန်း ၇၀ ခု မေးမြန်းခြင်းနှင့်
သက်ဆိုင်ရာ ပြည်နယ်အဆင့် အဖွဲ့အစည်းဝင် ပုဂ္ဂိုလ်များက ဖြေကြားခြင်း၊ လွှတ်တော်
ရေးရာကော်မတီ ၆ ခု ဖွဲ့စည်းခြင်းတို့ ဆောင်ရွက်နိုင်ခဲ့ကြောင်း သိရသည်။
.
အစည်းအဝေး စတုတ္ထနေ့တွင်
ပြည်နယ်လွှတ်တော်ဥက္ကဋ္ဌက တတိယအကြိမ်ရှမ်းပြည်နယ်လွှတ်တော် ဒုတိယပုံမှန်အစည်းအဝေး
ဆောင်ရွက်ချက်များ အပါအဝင် လွှတ်တော်ဆိုင်ရာ လုပ်ငန်းများကို ရှင်းလင်း
တင်ပြခဲ့ကြောင်း သိရသည်။
.
တတိယအကြိမ်ရှမ်းပြည်နယ်လွှတ်တော်သို့
တက်ရောက်ခွင့်ရှိသော ပြည်နယ်လွှတ်တော် ကိုယ်စားလှယ် ၁၃၂ ဦး ရှိသည့်အနက် ယနေ့
အစည်းအဝေး စတုတ္တ္ထနေ့သို့ လွှတ်တော်ကိုယ်စားလှယ် ၁၂၁ ဦး တက်ရောက်ခဲ့ပြီး ၁၁ ဦး ခွင့်ပန်ကြားကာ ရာခိုင်နှုန်းအားဖြင့်
တက်ရောက်သူ ၉၁ ဒသမ ၆၇ ရာခိုင်နှုန်း ရှိကြောင်း သိရသည်။
.
No comments:
Post a Comment