တောင်ကြီးတွင် လမ်းဖြတ်ကူးလာသူ ၂ ဦးကို ကားတစ်စီးက ဝင်တိုက်ပြီး တစ်ဦး သေဆုံး

.

၂၀၂၆ ခုနှစ်၊ ဇူလိုင်လ ၁ ရက်

.

ရှမ်းပြည်နယ်မြို့တော် တောင်ကြီးမြို့၊ ဗိုလ်ချုပ်အောင်ဆန်းမပေါ်တွင် ယမန်နေ့ ဇွန်လ ၃၀ ရက်၊ ညပိုင်းက လမ်းဖြတ်ကူးလာသူ ၂ ဦးကို ကားတစ်စီးက ဝင်ရောက်တိုက်မိပြီး တစ်ဦး သေဆုံးမှု ဖြစ်ပွားခဲ့ကြောင်း သိရသည်။

.

.

တောင်ကြီးမြို့၊ မြို့မရပ်ကွက်နေ ခွန်မောင်ရွှေ (ခ) ရွှေလေး မောင်းနှင်လာသည့် HONDA EDIX အမျိုးအစား အနက်ရောင် မော်တော်ယာဉ်သည် ယမန်နေ့ ဇွန်လ ၃၀ ရက်၊ ည ၈ နာရီခွဲခန့်က တောင်မှ မြောက်သို့ မောင်းနှင်လာစဉ် ညောင်ရွှေဟော်ကုန်းရပ်ကွက်၊ M2 လေပြေ အထည်ဆိုင်ရှေ့တွင် လမ်းဖြတ်ကူးနေသူ ဦးဒီလ်ဗဟာဒူး (ခ) ကျော်ကျော်နှင့် အမျိုးသမီးတစ်ဦးအား ဝင်ရောက်တိုက်မိခဲ့ခြင်း ဖြစ်ကြောင်း သိရသည်။

.

အဆိုပါ ယာဉ်တိုက်မှုကြောင့် ဦးဒီလ်ဗဟာဒူး တွင် ခေါင်းသွေးထွက်ဒဏ်ရာ၊ ဝဲ/ယာ နားသွေးထွက် ဒဏ်ရာ၊ ပါးစပ် သွေးထွက်ဒဏ်ရာများရရှိခဲ့ပြီး အခင်းဖြစ်နေရာတွင် သေဆုံးသွားခဲ့ကာ အမျိုးသမီးတွင် ထိခိုက်ဒဏ်ရာ ရရှိခဲ့ခြင်း မရှိကြောင်း သိရသည်။

.

အဆိုပါ ယာဉ်မတော်တဆမှုနှင့် ပတ်သက်၍ ယာဉ်အား မဆင်မခြင် မောင်းနှင်ပြီး အခြားသူအားသေဆုံး စေသူ ယာဉ်မောင်း ခွန်မောင်ရွှေ( ခ) ရွှေလေး အား ရာဇသတ်ကြီးပုဒ်မ ၂၇၉/၃၀၄-က ဖြင့် တောင်ကြီး နယ်မြေရဲစခန်းတွင် အမှုဖွင့် အရေးယူ ဆောင်ရွက်လျက်ရှိကြောင်း သိရသည်။

.