.
၂၀၂၆ ခုနှစ်၊ ဇူလိုင် ၇ ရက်
.
.
■ အာဂျင်တီးနား - အီဂျစ် (ည ၁၀-၃၀)
.
ကိပ်ဗာဒီနဲ့ပွဲမှာ ရုန်းကန်ခဲ့ရတယ်ဆိုပေမဲ့
အာဂျင်တီးနားရဲ့ ဒီနှစ် ကမ္ဘာ့ဖလားကစားပုံက အကောင်းဆုံး ပုံစံနားမှာ ရှိနေတာပါ။
တိုက်စစ်မှာ မက်ဆီ ဂိုးမြူးနေပြီး အယ်လ်ဗာရက်ဇ် နဲ့လည်း အတွဲမိနေပါတယ်။
ကွင်းလယ်မှာလည်း ဒီပေါ၊ အလစ္စတာ၊ အန်ဇို၊ ပါရီဒက်စ်တို့နဲ့ ကစားပုံကောင်းနေတယ်။
.
အာဂျင်တီးနားရဲ့ စိုးရိမ်ရတဲ့တစ်ခုတည်းသော
နေရာကတော့ ခံစစ်ပိုင်းပဲဖြစ်ပြီး နောက်ဆုံး ၂ ပွဲမှာ ၃ ဂိုး ပေးထားရတဲ့အနေအထားက
စိုးရိမ်ဖို့တော့ ကောင်းတယ်။
.
အီဂျစ်ကတော့ ဩစတြေးလျကို ပင်နယ်တီနဲ့ နိုင်ပြီး
ဒီအဆင့် ရောက်လာတယ်။ တိုက်စစ်မှာ မာမွတ်၊ ဆာလက် တို့လို အဓိက ကစားသမားတွေက
ဂိုးရဖို့ ရုန်းကန်နေရပြီး ကွင်းလယ်က သွင်းဂိုးတွေကိုပဲ အားကိုးနေရတယ်။
.
နှစ်သင်း ထိပ်တိုက်တွေ့ဆုံမှုတွေမှာလည်း
အာဂျင်တီးနားနဲ့ တွေ့ခဲ့တဲ့ ၂ ကြိမ်လုံး အီဂျစ်တို့ ဂိုးပြတ်ရှုံးခဲ့ တယ်။ အီဂျစ်အနေနဲ့
အသင်းလိုက်ကစားပုံ မဆိုးဘူးဆိုပေမဲ့လည်း အာဂျင်တီးနားကို ခံကစားနိုင်တဲ့
အသင်းမျိုးတော့ ဟုတ်မနေသေးဘူး။ အာဂျင်တီးနားပဲ နိုင်ပြီးနောက်တစ်ဆင့် တက်ဦးမှာပါ။
.
■ ဆွစ်ဇာလန် - ကိုလံဘီယာ (နံနက် ၂-၃၀)
.
ဒီနှစ် ကမ္ဘာ့ဖလားရဲ့မထင်မှတ်ဘဲ
ကစားပုံကောင်းနေတဲ့ အသင်းထဲမှာ ဆွစ်ဇာလန်လဲ ပါတယ်။ ၃၂ သင်းအဆင့်မှာတုန်းက
အယ်လ်ဂျီးရီးယားလို မာတဲ့အသင်းမျိုးကို ပေးဂိုးမရှိဘဲ ၃ ဂိုးပြတ်နိုင်အောင်
ကစားနိုင်ခဲ့တယ်။ ခံစစ်က သိပ်မမာပေမဲ့ တိုက်စစ်ကတော့ ပွဲတိုင်းဂိုးရနေပြီး
တစ်ပွဲကို ပျမ်းမျှ ၂ ဂိုး လောက်ရနေတာ တွေ့ရတယ်။
.
ဆွစ်ဇာလန်တိုက်စစ်က အမ်ဘိုလို က အကောင်းဆုံး စွမ်းဆောင်ရည်မှာ
ရှိနေပြီး ကွင်းလယ်က အန်ဒိုယီ၊ ဗားဂက်စ်၊ မန်ဇန်ဘီ တို့လည်း အတွဲမိနေတယ်။ ဇာခါနဲ့ ဖရော်လာရဲ့
ကွင်းလယ်ဗဟိုက မာကျောမှု အပြည့် ရှိနေသေးသလို ခံစစ်မှာ ဇာကာရီယာ၊ အကန်ဂျီနဲ့
ရိုဒရီဂွက်ဇ်တို့လည်း ကောင်းနေတယ်။
.
ကိုလံဘီယာကတော့ ဒီယာ့ဇ်၊
ရိုဒရီဂွက်ဇ်တို့ရဲ့ကွင်းလယ်တိုက်စစ် အားကိုးနဲ့ရုန်းနေတယ်။ ဒါပေမဲ့ တိုက်စစ် စွမ်းဆောင်ရည်ပိုင်းမှာတော့
ကိုလံဘီယာက ဆွစ်ဇာလန်လောက် အားရစရာမရှိဘူး။ ဂိုးရဖို့ ကွင်းလယ်ကိုပဲ
အားကိုးနေရတဲ့အနေအထားဖြစ်နေပြီး တိုက်စစ်က နောက်ဆုံး ၃ ပွဲမှာ ၂
ဂိုးပဲရခဲ့တာတွေ့ရတယ်။
.
ဒါပေမဲ့ ကိုလံဘီယာက ခံစစ်တော့ မာတယ်။
အုပ်စုပွဲကနေ အခုအချိန်အထိ ခံစစ်က ၁ ဂိုးပဲ ပေးရသေးတယ်။ ဂါလာတာစာရေးရဲ့ ဒဗီဆင်
ဆန်းချက်ဇ်၊ ပဲလေ့စ်က မူနော့ဇ်တို့က ကိုလံဘီယာခံစစ်မှာ အတွဲသွားမိနေ ကြတယ်။
.
ပြောရရင် ဒီပွဲက ဆွစ်ဇာလန်တိုက်စစ်နဲ့
ကိုလံဘီယာခံစစ် အားပြိုင်မယ့်ပွဲပါပဲ။ ကိုလံဘီယာက ခံစစ်ကို လုံအောင်လုပ်ပြီး
တန်ပြန်တိုက်စစ်နဲ့ကစားဖို့ သေချာသလို ဆွစ်ဇာလန်တို့ ဂိုးစောစော မရခဲ့ဘူးဆိုရင်
ဒုက္ခများသွားနိုင်တဲ့ပွဲမျိုးပါ။ ပွဲချိန်မိနစ် ၉၀ အတွင်း သရေကျဖို့များတဲ့
ပွဲမျိုးပါ။
.
No comments:
Post a Comment