ဟိုပုံးတွင် အမျိုးသမီး တစ်ဦး ရေနစ် သေဆုံး

ရှမ်းပြည်နယ်၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့၌ ယနေ့ ဇူလိုင်လ ၁ ရက်၊ နံနက်ပိုင်းက အမျိုးသမီး တစ်ဦး ရေနစ် သေဆုံးခဲ့ကြောင်း သိရသည်။

.

ဟိုပုံးမြို့၊ မြို့မရေလွှဲဆည် ကန်ဘောင်နှင့် ၈ ပေခန့်အကွာ၊ ရေအနက် ၉ ပေခန့်တွင် အသက် ၃၈ နှစ်အရွယ် အမျိုးသမီး သည် မတ်တပ်ရပ် အနေအထားဖြင့် ဦးခေါင်းပိုင်း အထိ ရေနှစ်မြှုပ်လျှက် သေဆုံးနေခြင်း ဖြစ်ကြောင်း သိရသည်။

.

ယင်း အခင်း ဖြစ်ပွားရာ နေရာသို့ တာဝန်ရှိသူများက သွားရာက်၍ အလောင်းအား ကန်ဘောင် ပေါ်သို့ ဆယ်ယူ စစ်ဆေးခဲ့ရာ သေဆုံးသူမှာ ဟိုပုံးမြို့၊ တောင်ရပ်ကွက်၊ နယ်မြေ(၂)နေ နန်းအေးချယ်ရီ (ခ) နန်းနွဲ့ ဖြစ်ပြီး ပြင်ပဒဏ်ရာ မတွေ့ရှိဘဲ ၎င်း၏ ဝဲ/ယာဘက်၊ ခြေများမှာ အရေခွံများ တွန့်နေခြင်း၊ နှုတ်ခမ်းပြာလျက် အရေခွံ တွန့်နေခြင်း တို့ကို တွေ့ရှိရကာ ရေလွှဲဆည် ကန်ဘောင်ပေါ်၌ ဖိနပ် (၁)ရံ၊ လုံချည်၊ တဘတ် နှင့် Chang ဘီယာဗူးခွံ တို့အား တွေ့ရှိခဲ့ကြောင်း သိရသည်။

.

အဆိုပါ သေဆုံးသူ၏ ရုပ် အလောင်းအား ဟိုပုံးမြို့၊ ပြည်သူ့ဆေးရုံသို့  ပို့ဆောင်ထားပြီး သေဆုံးမှုနှင့် ပတ်သက်၍  ဓမ္မတာအတိုင်း သေဆုံးခြင်း ဟုတ်/မဟုတ် သိရှိနိုင်ရန် ဟိုပုံးမြို့မရဲစခန်း၌ သေမှုသေခင်း အမှုဖွင့်၍ အရေးယူ ဆောင်ရွက်ထားကြောင်း သိရသည်။

.

#KBZTai  #Shan  #Hopone  #News