စိုက်ပျိုးရေး ထုတ်ကုန်တွေကို တရုတ်က လက်နက်သဖွယ် အသုံးချနေတယ်လို့ ထိုင်ဝမ်သမ္မတ ပြော

၂၀၂၆ ခုနှစ်၊ ဇူလိုင်လ ၁ ရက်

.

ထိုင်ဝမ်သမ္မတ လိုင်ချင်းတယ် က ပြီးခဲ့တဲ့ ဇွန်လ ၂၉ ရက်မှာ စိုက်ပျိုးရေးဆု ရရှိသူတွေနဲ့ သူ့ရဲ့ သမ္မတရုံးမှာ တွေ့ဆုံစဉ် တရုတ်နိုင်ငံဟာ စိုက်ပျိုးရေးထုတ်ကုန်များကို “လက်နက်သဖွယ်” အသုံးချနေပြီး ထိုင်ဝမ်အပေါ် ဖိအားပေးရန် တင်သွင်းခွင့် ပိတ်ပင်မှုများနှင့် အခွန် တိုးမြှင့်မှုများကို အသုံးပြုနေကြောင်း ပြောဆိုခဲ့တာ ဖြစ်ပါတယ်။

.

ထိုင်ဝမ် အနေဖြင့် ဈေးကွက် တစ်ခုတည်းအပေါ် မှီခိုမှုကို လျှော့ချပြီး ဈေးကွက်များကို ပိုမို ကွဲပြားအောင် ရှာဖွေသွားရမှာ ဖြစ်ကြောင်း၊ ထိုင်ဝမ်၏ စိုက်ပျိုးရေးထုတ်ကုန်များကို တရုတ်နိုင်ငံသို့ တင်ပို့မှုဟာ ၂၀၁၅ ခုနှစ်တွင် ၂၀ ဒသမ ၅ ရာခိုင်နှုန်း ရှိခဲ့ရာမှ ၂၀၂၅ ခုနှစ်တွင် ၁၁ ဒသမ ၅ ရာခိုင်နှုန်းအထိ လျော့ကျသွားကြောင်း ပြောပါတယ်။

.

“အမေရိကန် ပြည်ထောင်စုနဲ့ ဂျပန်နိုင်ငံတို့ဟာ အခုအခါ ထိုင်ဝမ်စိုက်ပျိုးရေး ထုတ်ကုန်တွေအတွက် အကြီးဆုံး ပို့ကုန် ဈေးကွက် ၂ ခု ဖြစ်လာပါပြီ။ ဒီလထဲမှာပဲ ကျွန်တော်တို့ရဲ့ သရက်သီး၊ လိုင်ချီးသီးနဲ့ နဂါးမောက်သီးတွေကို ဥရောပ အဆင့်မြင့် ဈေးကွက်တွေဆီ ပထမဆုံးအကြိမ် တင်ပို့နိုင်ခဲ့ပါတယ်” လို့ သမ္မတလိုင်က ဆိုပါတယ်။

.

အဲဒီ အောင်မြင်မှုတွေဟာ စိုက်ပျိုးရေးဝန်ကြီးဌာန၊ တောင်သူတွေနဲ့ သက်ဆိုင်ရာ ကဏ္ဍအသီးသီးတို့ ပူးပေါင်း ကြိုးပမ်းမှုများရဲ့ ရလဒ် ဖြစ်တယ်လို့ ဆိုတဲ့ အကြောင်းနဲ့ ထိုင်ဝမ်ဟာ စိုက်ပျိုးရေးထုတ်ကုန်တွေကို ကမ္ဘာတဝန်း ဆက်လက် တင်ပို့နိုင်ဖို့အတွက် အအေးသိုလှောင်နဲ့ အအေးထိန်း သယ်ယူပို့ ဆောင်ရေးစနစ်တွေနဲ့ ရောဂါကာကွယ်ထိန်းချုပ်ရေး စွမ်းရည်များကို ဆက်လက် မြှင့်တင်သွားမှာ ဖြစ်ကြောင်းလည်း သမ္မတလိုင်က ပြောကြားခဲ့ပါသေးတယ်။

.

ထိုင်ဝမ် အစိုးရအနေနဲ့ တောင်သူတွေအပေါ် စောင့်ရှောက်ရေးနဲ့ ထိုင်ဝမ်စိုက်ပျိုးရေးကဏ္ဍရဲ့ ဆန်းသစ်တီထွင် ဖွံ့ဖြိုးမှုကို မြှင့်တင်ဖို့ အတွက် အရင်းအမြစ်တွေ ဆက်လက်ရင်းနှီး မြှုပ်နှံသွားမှာ ဖြစ်တယ်လို့ ထိုင်ဝမ်သမ္မတ လိုင်ချင်းတယ် က ဖွင့်ဟခဲ့ပါတယ်။

.

Source - Radio Taiwan International

.

#KBZTai  #Shan  #International  #News