ရေကြီးရေလျှံမှု ဖြစ်ပေါ်ခဲ့သည့် တာချီလိတ် နမ့်ယွန်းချောင်းတွင် နုန်းတူးဖော်ရှင်းလင်း

.

၂၀၂၆ ခုနှစ်၊ ဩဂုတ်လ ၄ ရက်

.

ရှမ်းပြည်နယ်အရှေ့ပိုင်း၊ တာချီလိတ်မြို့တွင် ရေကြီးရေလျှံမှု ဖြစ်ပွားခဲ့သည့် နမ့်ယွန်းချောင်း၌ ယနေ့ ဩဂုတ် လ ၄ ရက်၊ နံနက်ပိုင်းက သဲနုန်းများ တူးဖော်ရှင်းလင်း ဆောင်ရွက်ခဲ့ကြောင်း သိရသည်။

.

.

တာချီလိတ်မြို့တွင် ဩဂုတ်လ ၁ ရက် ညပိုင်းက မိုးသည်းထန်စွာ ရွာသွန်းခဲ့မှုကြောင့် နမ့်ယွန်‌ချောင်း ရေကြီးရေလျှံမှု ဖြစ်ပွားခဲ့ခြင်းဖြစ်ပြီး မြို့တွင်း ရေစီးဆင်းမှု ကောင်းမွန်စေရေးနှင့် နောင်တွင် ရေကြီး ရေလျှံမှုများ ထပ်မံမဖြစ်ပွားစေရေးအတွက် ချောင်းတစ်လျှောက်ရှိ သဲနုန်းများကို ဆည်ယူဆောင်ရွက် နေခြင်းဖြစ်ကြောင်း သိရသည်။

.

နမ့်ယွန်းချောင်းအတွင်း ပိတ်ဆို့နေသော နှုန်းများကို မြို့နယ်စည်ပင်သာယာရေးဌာနနှင့် သတ္တု တူးဖော်ရေးလုပ်ငန်းများမှ စက်ယန္တရားများ အသုံးပြုကာ ပူးပေါင်းဆယ်ယူရှင်းလင်းခဲ့ပြီး ရေစီးကြောင်းပိတ်ဆို့မှုများ လျော့နည်းစေရန် ဆောင်ရွက်ခဲ့ကြကြောင်း သိရသည်။

.

နမ့်ယွန်းချောင်းအပြင် တာချီလိတ် မြို့တွင်းရှိ ကျန်ချောင်းများနှင့် ရေနုတ်မြောင်းများကိုလည်း အဆင့်ဆင့် ဆက်လက်ဆယ်ယူရှင်းလင်းသွားမည်ဖြစ်ပြီး မိုးရာသီကာလအတွင်း ရေစီးဆင်းမှု ကောင်းမွန်စေရေးနှင့် မြို့နယ်အတွင်း ရေကြီးရေလျှံမှုအန္တရာယ် လျော့နည်းစေရေးအတွက် ဆက်လက်ကြိုးပမ်းဆောင်ရွက်သွားမည်ဖြစ်ကြောင်း တာဝန်ရှိသူများထံက သိရသည်။

.

နမ့်ယွန်းချောင်း သဲနုန်းဆည်ယူခြင်းလုပ်ငန်းကို မြို့နယ်စည်ပင်သာယာရေးဌာနမှ အမှုဆောင်အရာရှိနှင့် အမှတ်(၂) သတ္တုတွင်းလုပ်ငန်းမှ တာဝန်ရှိသူများ ပူးပေါင်းကြီးကြပ် ဆောင်ရွက်ခဲ့ခြင်းဖြစ်ကြောင်း သိရသည်။

.

အဆိုပါ နမ့်ယွန်းချောင်း နှုန်းတူးဖော်ရှင်းလင်းခြင်းလုပ်ငန်းသည် ယခုနှစ်အတွင်း တတိယ အကြိမ်မြောက် ဆောင်ရွက်ခြင်းဖြစ်ပြီး မြို့မိမြို့ဖ အထောက်အကူပြုအဖွဲ့ကလည်း လုပ်ငန်းသုံး စက်သုံးဆီများ ထောက်ပံ့လှူဒါန်းပေးခဲ့ကြောင်း သိရသည်။

.