.
၂၀၂၆ ခုနှစ်၊ ဩဂုတ်လ ၃၁ ရက်
.
ရှမ်းပြည်နယ်အရှေ့ပိုင်း၊ မိုင်းတုံမြို့နယ်၊ မိုင်းတုံ-တာဆန်းလမ်းတွင်
ဩဂုတ်လ ၂၉ ရက်၊ ညပိုင်းက ၆ ဘီး ကားတစ်စီး ချောက်ထဲထိုးကျတိမ်းမှောက်ပြီး ယာဉ်မောင်းနှင်သူအမျိုးသား
သေဆုံးမှု ဖြစ်ပွားခဲ့ကြောင်း သိရသည်။
.
မိုင်းတုံ-တာဆန်းလမ်း၊ မိုင်တိုင်အမှတ် (၁၁၈/၄) နှင့်
(၁၁၈/၅) အကြားတွင် ဩဂုတ်လ ၂၉ ရက်၊ ည ၇ နာရီခွဲ ခန့်က ပင်လုံမြို့နေ ခွန်ကျော်ဟိန်း
မောင်းနှင်ပြီး ဇနီးဖြစ်သူ မနန်းမွမ်း လိုက်ပါစီးနင်းလာသော CANTER အမျိုးအစား အပြာရောင် ၆ ဘီးယာဉ်သည် ဘရိတ်ပေါက် လမ်းချော်၍ လမ်း၏
ယာဘက်ချောက် ပေ ၃၀၀ ခန့်အနက်သို့ ထိုးကျတိမ်းမှောက်ခဲ့ခြင်းဖြစ်ကြောင်း သိရသည်။
.
ယာဉ်တိမ်းမှောက်မှုကြောင့် ယာဉ်မောင်း
ခွန်ကျော်ဟိန်းမှာ ဦးခေါင်းထိပ်ပေါက်ပြဲဒဏ်ရာ၊ ဝဲ/ယာဂျိုစောင်း ပေါက်ပြဲဒဏ်ရာ၊
ဝဲဘက်လက်ကောက်ဝတ် စုတ်ပြဲ ဒဏ်ရာ၊ ရင်ဘတ်ညိုမဲဒဏ်ရာများဖြင့် အခင်းဖြစ်နေရာ တွင်
သေဆုံးခဲ့ပြီး ဇနီးဖြစ်သူ မနန်းမွမ်းမှာ ထိခိုက်ဒဏ်ရာရရှိခြင်း မရှိခဲ့ကြောင်း သိရသည်။
.
အဆိုပါ ယာဉ်တိမ်းမှောက်မှုမှ လူကို သေစေသည်ထိ
ယာဉ်အား မဆင်မခြင် ပေါ့လျော့စွာ မောင်းနှင်ခဲ့သူ ယာဉ်မောင်း ခွန်ကျော်ဟိန်း (သေဆုံး)
အား မိုင်းတုံမြို့မရဲစခန်းတွင် ရာဇသတ်ကြီးဥပဒေပုဒ်မ ၂၇၉/၃၀၄-က ဖြင့် အမှုဖွင့် စစ်ဆေး
ဆောင်ရွက်လျက်ရှိကြောင်း သိရသည်။
.
No comments:
Post a Comment