.
၂၀၂၆ ခုနှစ်၊ စက်တင်ဘာလ ၅ ရက်
.
ရှမ်းပြည်နယ်မြောက်ပိုင်း၊ သီပေါမြို့နယ်၊ ကျင်သီတံတားအနီးတွင်
ယမန်နေ့ စက်တင်ဘာလ ၄ ရက်၊ နေ့လယ်ပိုင်းက တွဲကားနှင့် အိမ်စီးကားတစ်စီး တိုက်မိပြီး
အမျိုးသားတစ်ဦး သေဆုံးခဲ့ကြောင်း သိရသည်။
.
မန္တလေး-လားရှိုး ပြည်ထောင်စုလမ်းမကြီး၊ သီပေါမြို့နယ်၊
လောဝ်ခွန်ကျေးရွာ၊ မိုင်တိုင်အမှတ် ၁၂၂၊ ကျင်သီ တံတားအနီးတွင် ယမန်နေ့ စက်တင်ဘာလ ၄
ရက်၊ နေ့လယ် ၁၁ နာရီခွဲခန့်က ယာဉ်မောင်း ရှိုင်းထက်အောင် မောင်းနှင်လာသည့် အဖြူရောင်
တွဲကားနှင့် ယာဉ်မောင်း ဦးဌေးအောင် မောင်းနှင်လာသည့် AD Van ကားတို့
တိုက်မိခဲ့ခြင်းဖြစ်ကြောင်း သိရသည်။
.
ယာဉ်တိုက်မှုကြောင့် AD Van မှ ယာဉ်မောင်း ဦးဌေးအောင်မှာ ကားရှေ့ခေါင်းခန်းအတွင်း ညှပ်၍ သေဆုံး ခဲ့ပြီး
သေဆုံးသူ၏ ရုပ်အလောင်းအား မြတ်မွန်စေတနာ ပရဟိတလူနာတင်ယာဉ်ဖြင့် သီပေါမြို့နယ်ဆေးရုံ
သို့ ပို့ဆောင်ပေးခဲ့ကြောင်း သိရသည်။
.
No comments:
Post a Comment