တောင်ကြီးမှ အသက် ၂၀ အရွယ် လူငယ်တစ်ဦး ၃ လကျော်ကြာ ပျောက်ဆုံးနေ

.

၂၀၂၆ ခုနှစ်၊ စက်တင်ဘာလ ၈ ရက်

.

ရှမ်းပြည်နယ်မြို့တော်၊ တောင်ကြီးမြို့မှ အသက် ၂၀ အရွယ် လူငယ်တစ်ဦးသည် ၃ လကျော်ကြာ မိသားစုနှင့် အဆက်အသွယ်မရဘဲ ပျောက်ဆုံနေကြောင်း သိရသည်။

.

.

တောင်ကြီးမြို့၊ မင်္ဂလာဦးရပ်ကွက်နေ ခွန်လင်းထက်နိုင် ဆိုသူသည် တောင်ကြီးမြို့၊ ကံကြီးရပ်ကွက်၊ ထီဗွာရွာဘက်တွင် သူငယ်ချင်းဖြစ်သူနှင့်အတူ ညစောင့်အလုပ် သွား‌ရောက်လုပ်ကိုင်ခဲ့ပြီး ဇွန်လ ၅ ရက်နေ့ကတည်းက အဆက်အသွယ်မရဘဲ ပျောက်ဆုံးနေခြင်းဖြစ်ကြောင်း သိရဿည်။

.

“သူတို့ သူငယ်ချင်း ၆ ယောက်အိပ်တာ သူ့တစ်ယောက်ထဲ ပျောက်သွားတာပါ။ ကျန်တဲ့သူတွေကို မေးကြည့်တော့ မနက်အစော သူငယ်ချင်းလာခေါ်လို့ ထွက်သွားတယ် ပြေတာယ်။ နောက်တော့ မိန်းမ ခိုးပြေးသွားတာလိုလို၊ အလုပ်သွားလုပ်တာလိုလို ပြောတယ်။ တစ်လကျော်ကြာတော့ ရဲစခန်းမှာ အမှု သွားဖွင့်ပါတယ်” ဟု ပျောက်ဆုံးနေသူ လူငယ်၏ အစ်မဖြစ်သူက ပြောသည်။

.

လူငယ်ပျောက်ဆုံးမှုနှင့် ပတ်သက်၍ ဩဂုတ်လ ၃ ရက်တွင် တောင်ကြီးနယ်မြေရဲစခန်း၌ လူပျောက် အမှုဖွင့်တိုင်တန်းခဲ့ပြီး ယနေ့အချိန်ထိ ထူးခြားမှု မရှိသေးကြောင်း ၎င်းထံက သိရသည်။

.

“ကျွန်မတို့က မောင်နှမ နှစ်ယောက်ထဲရှိတာပါ။ အမေလည်း မောင်လေးစိတ်နဲ့ ငိုလိုက်၊ ရီလိုက်နဲ့ တော်တော် စိတ်ပူနေတာပါ” ဟု ၎င်းက ဆက်လက်ပြောဆိုခဲ့သည်။

.

အဆိုပါကိစ္စနှင့် ပတ်သက်၍ တောင်ကြီးနယ်မြေရဲစခန်းမှ တာဝန်ရှိသူကလည်း “လူပျောက် အမှုဖွင့်ထား ပါတယ်။ စုံစမ်းရှာဖွေနေပါတယ်” ဟု အတည်ပြု ပြောဆိုခဲ့သည်။

ယင်း လူငယ် ခွန်လင်းထက်နိုင်အား တွေ့ရှိပါက ဖုန်းနံပါတ် ၀၉ ၆၇၈ ၁၉၁ ၃၂၁ သို့ ဆက်သွယ် အကြောင်းကြားပေးရန် မိသားစုဝင်များက မေတ္တာရပ်ခံထားသည်။

.